2 Samuel 7:18 - Kashibo-Kakataibo Biblia

¹⁸ Usakian ñuixunkë anu atsíanx abë banati ꞌakë anu atsíanx abë banakin ka, Davidtan Dios kakëxa: ꞌËn ꞌIbu Dios kushiira, ¿ui karana ꞌëx ꞌain, ꞌën aintsi ꞌibukamaribi ka ñuma ꞌikë unin isia, usa ꞌaínbi kaina uisaxun ꞌë ꞌapu ꞌinun ꞌimian?

2 Samuel 7:18 ပူးပေါင်းရင်းမြစ်များ

Génesis 32:10

ꞌëx kana upíma ꞌain minmi ꞌë bërúanan upíokin ꞌakinkë ꞌaínbi. ꞌËx kana Jordán kakë baka ënë, añu ñubi bëíma ꞌën tsatishi tuianx min kakëx sikákën, ꞌaínbi kana bërí ꞌaisamaira ñuina ꞌarakakëñu ꞌimainun an ꞌë ñu mëëxunkë uniñu ꞌain, akamax ka rabë́ ëmanu ꞌikë unisa ꞌikën.

Génesis 32:11

Usa ꞌain kamina mix kikësabiokin ꞌakianan ꞌë ië́miti ꞌain, ꞌën xukë́n Esaúnën ꞌë ꞌati sinani kana rakuë́tin. ꞌImainun ka ꞌë ꞌakin xanukama ꞌimainun tuákamaribi ꞌati ꞌikën.

2 Samuel 23:5

Usa ꞌain ka ꞌën rëbúnkikamax Diosanbi bërúankë unibu ꞌiti ꞌikën, an ka ëbëtan achúshi ñu sinántëkëntima okin ꞌakëxa, anbi ka usokin ꞌati sinánkëxa usa ꞌixun ka an kikësokinbi ꞌati ꞌikën. ꞌAkin ka axa ꞌëmi nishkë unikamabë ꞌakanankin ꞌën ꞌanun ꞌë ꞌamiti ꞌikën, ꞌamianan ka kamabi ꞌën ꞌaisatankë ñukamaribi ꞌanun ꞌë ꞌamiti ꞌikën.

2 Samuel 7:17

Usokin ka Natánnën kamabi ënë banakama David ñuixuankëxa, upíokin ka an namákian kuakësabi okin ñuiakëxa.

Salmos 8:4

ësokin sinanin: ¿Añu kara unix ꞌik? ¿Añu karanuna nux unishi ꞌaish ꞌiti ꞌain? ¿Uisa kupín kaina ami sinani mix ꞌitsaira bënëtin?

Éxodo 3:11

Ësokian kakëxunbi ka Moisésnën Dios kakëxa: —¿ꞌËx karana añu ꞌain? ¿Añu ꞌixun karana anu kuanxun faraón Egiptonu ꞌikë Israel unibu chikinuxun kai kuanti ꞌain?

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Jueces 6:15

ꞌAínbi ka Gedeónën amiribishi katëkëankëxa: —ꞌËn ꞌIbu amiribishi kana mi katëkënin, ¿uisaxun karana ꞌën Israelkama ië́nun ꞌakinti ꞌain? ꞌËn aintsi Manansésnën rëbúnkikama atux ka ñuñuma unibu ꞌikën, usa ꞌain kana usa ꞌën aintsikama ꞌain ꞌëx usa ka a uni ꞌikë kixun unin kaisama ꞌain.

Rut 2:10

Usakin kakëxun ka Rutnën aín bëmánanën me tikai tëtúbuti ꞌikin Booz ñukákëxa: —¿Uisaxun kaina min ꞌë ꞌunán ꞌixunmabi ax ka upí sinánñu xanu ꞌikë kixun, ꞌëx bëtsi menu ꞌikë xanu ꞌikëbi ꞌë ꞌunánin?

1 Samuel 15:17

Usa ꞌain ka Samuelnën kakëxa: —Minbi kamina ꞌapu ꞌisama ꞌixun ꞌëx kana añubi ꞌisama ꞌai kixun sinánkën, ꞌaínbi kamina bërí israel unibunën ꞌapu ꞌain, usaími ꞌinun ka Nukën ꞌIbun mi ꞌimiaxa.

1 Samuel 18:18

Kakëxunbi ka Davidtan kakëxa: —Min kamina ꞌitsa ꞌë nuibatin ꞌaínbi kana ꞌëx añubima ꞌain, ꞌimainun ka ꞌën aintsi Israel kaman añubima ꞌë isia, usa ꞌain kana mix ꞌapu ꞌain min piaka isama ꞌëx ꞌain.

1 Samuel 9:21

Kakëxun ka Saúlnën kakëxa: —¡ꞌËx kana Benjamínnën rëbúnki ꞌain, usa ꞌaínbi kana ꞌëx Israelkaman ꞌanákaira ꞌain! ꞌImainun ka ꞌën aintsikama Benjamínën rëbúnki ꞌikëbi ñuumara ꞌikë unin isia. ¿Uisa kupí kaina ësokin ꞌë kain?