2 Samuel 7:16 - Kashibo-Kakataibo Biblia

¹⁶ Min rëbunki ꞌimainun mix ꞌapu ꞌikë ax ka ꞌën bëruankëx uisaibi ꞌikëma ꞌiti ꞌikën, ꞌimainun ka mix anu tsóti ax anubi ꞌitiokin nankë ꞌiti ꞌikën.”

2 Samuel 7:16 ပူးပေါင်းရင်းမြစ်များ

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

2 Samuel 22:51

Min kamina axa ꞌëmi nishkë unikama ꞌitsokin ꞌanun ꞌë ꞌamiakën, minbi ꞌapu ꞌinun ꞌë kaisa ꞌixun; kamina ꞌë nuibakësaribi okin ꞌën rëbúnkikamaribi xënibua ꞌaínbi nuibati ꞌain.”

2 Samuel 7:13

ꞌImikëxun ka an anuxun ꞌë rabiti xubu achúshi ꞌë ꞌaxúnti ꞌikën. ꞌImainun kana ꞌën ꞌapu ꞌimikin nëtë́timoia xënibua ꞌaínbi ax ꞌapu ꞌinun ꞌimiti ꞌain.

2 Samuel 7:17

Usokin ka Natánnën kamabi ënë banakama David ñuixuankëxa, upíokin ka an namákian kuakësabi okin ñuiakëxa.

1 Reyes 2:4

Usokin ꞌakëbëtan ka Diosan ꞌëbëtan achúshi ñu ꞌásabiokin nun rëbúnkikamaribi añu ꞌanun kara Diosan atu kaia usakinshi aín sinan upí ꞌixun ꞌati ꞌikën, usakin ꞌaia ka uínsaranbi nun aintsikamaxëshia Israel unibunën ꞌapu ꞌixun ꞌakinun ꞌimiti ꞌikën.

1 Reyes 9:5

usa ꞌain kana mi ꞌimainun min ꞌaintsi ꞌibukamaxa Israel menu ꞌapu ꞌinun ꞌimiti ꞌain, ꞌën min papa David kásabiokin, uínsarabi kana Israel unibunëxa atun ꞌapuñuma ꞌinun aín rëbúnki achúshi ꞌapu ꞌimiti ëntima ꞌai kixun kana kakën.

2 Reyes 19:34

ꞌËn kana a ëma bërúankin ië́miti ꞌain, ꞌën uni David an ka ꞌën kakësabiokin ꞌakëxa, ꞌimainun kana ꞌëxi usokin ꞌakinkatsi kiakën.

Salmos 72:5

¡Usa ꞌain ka a ꞌapux min kakësabiokin ꞌai baribëa ꞌuxë këñutisamapan ꞌain xënibua ꞌaínbi tsóti mimi rakuë́ti ꞌikën!

Salmos 89:4

“ꞌËn kana mix ñua ꞌaínbia min rëbúnkikamax mix ꞌiásaribiti nëtë́tima ꞌapu ꞌinun ꞌimiti ꞌain.”

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

Ezequiel 37:25

Usokin ꞌai ka ꞌën uni Jacob ꞌinan me anua aín chaitiokëkamaxribi anu tsóa me anuribi tsókanti ꞌikën. A menu ka xënibua ꞌaínbi atu ꞌimainun atun bakë bëchikëkamaribi ꞌimainun atun rëbúnkikamaribi tsóti ꞌikën; usai ꞌimainun ka ꞌën uni David aín rëbúnkinëx xënibua ꞌaínbi atun ꞌapu ꞌiti ꞌikën.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 7:14

ꞌAmitankëxun ka uni apan an aín kushi ꞌinánkin axa ꞌapu chaiira ꞌi kushiira ꞌinun ꞌimianan, kamabi menu ꞌikë ꞌimainun bëtsi banan banakë unikaman ñu mëëxunkin rabinun ꞌimiaxa. Usa ꞌaish ka aín kushi ax ꞌiásabi kushiira ꞌiti ꞌikën, ꞌimainun ka uínbi ax ꞌapu ꞌikë uínsaranbi masókë ꞌitima ꞌikën.

Mateo 16:18

Caxun ca mapara, griego banan “petra” cacë, a sinánquin Jesusan Simón cacëxa: —ꞌËn cana mi cain, mix camina Pedro caquin anëcë ꞌiti ꞌain. Minmi ꞌëmi bërí cacë bana sináncë usaribi oquin sináncë ca axa ꞌëmi catamëcë unicamax ꞌiti ꞌicën. Bamatancëxbi cëñútimoi ca a unicamax ꞌënan ꞌiti ꞌicën.

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

Hebreos 1:8

Usai quiquinbi ca aín Bëchicë aira ësaquin caia: Mixribi Dios ꞌaish camina usabi ꞌitioi ꞌën nëtënu ꞌApu ꞌain. Mix ꞌApu upíira ꞌaían min banaribi upí ꞌain ca min ꞌati ñucamaribi upí ꞌicën.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.