2 Samuel 7:15 - Kashibo-Kakataibo Biblia

¹⁵ ꞌaínbi kana ꞌën nuibakin Saúl ꞌakinkin ëansa okin a ꞌatima ꞌain, usakin ꞌaxun kana Saúl chikíanan mixmi ꞌapu ꞌinun mi ꞌimiasa okin a ꞌatima ꞌain.

2 Samuel 7:15 ပူးပေါင်းရင်းမြစ်များ

2 Samuel 7:14

ꞌËx aín papasa ꞌimainun ka, ax ꞌën bakë bëchikësa ꞌiti ꞌikën, ꞌën kana ñu ꞌatima ꞌaia i pëñan bixun anun rishkikin, tëmëramiti ꞌain. Kamabi unían aín bakë bëchikë ꞌatima ñu ꞌaia ꞌakësaribi okin,

2 Samuel 7:16

Min rëbunki ꞌimainun mix ꞌapu ꞌikë ax ka ꞌën bëruankëx uisaibi ꞌikëma ꞌiti ꞌikën, ꞌimainun ka mix anu tsóti ax anubi ꞌitiokin nankë ꞌiti ꞌikën.”

Salmos 89:28

ꞌËn a nuibakë ax ka usabi okin ënkinma ꞌën nuibakë ꞌiti ꞌikën, ꞌianan ka ꞌën abëtan achúshi ñu ꞌa axribi uínbi uisabi okëma anubi ꞌiti ꞌikën.

Salmos 89:31

a ꞌaisama tani akamami ꞌianan, ꞌëx kia bana ax kikësaibi oi ꞌiti banakama kuaisama tania,

Salmos 89:33

ꞌaínbi kana ꞌën uni David nuibakin ëntima ꞌain, ꞌianan kana ꞌëx kikësabiokin upíokin ñu ꞌaxunkin a ëntima ꞌain.

Salmos 89:34

ꞌImainun kana uínsaranbi abëtan achúshi ñu ꞌakë, kana ꞌaima kikínma ꞌëx kikësabiokin asérabi ꞌakinti ꞌain.

Salmos 89:49

ꞌËn ꞌIbu Dios, ¿uinu kara minmi ꞌën kana mi nuibati ꞌai kixun a irapain, ñuikin min David ká bana ax ꞌik?

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

1 Samuel 15:23

Usa ꞌaish ka uin kara ax kikësokin ꞌaima ax ami ꞌuchai an ñu tankë unikamasa ꞌiti ꞌikën; usa ꞌaish ka ñu tankin ꞌaxun rabikë unikamasa ꞌixun Diosan kakësokin ꞌaima ami ꞌuchaia. Usa ꞌaínbi kamina min an kikësokin ꞌakëma ꞌain, an kakësokin kamina ꞌaisama tanin, usa ꞌikë ka ꞌapu ꞌikëbi mi ꞌakintima ꞌikën.

1 Samuel 15:26

—Kixun kakëxunbi ka usama ka, mibë kana kuanima —kixun Samuelnën kakëxa—, min kamina Nukën ꞌIbu ꞌanun kakësokin ꞌakëma ꞌain, usa ꞌain ka mixmi Israel unibunën ꞌapu ꞌiti kuëënima.

1 Samuel 15:28

Usokin ꞌakëxun ka Samuelnën Saúl kakëxa: —Minmi ꞌën tari tukakin bikë ësaribiokin ka Nukën ꞌIbun ka mix Israel kaman ꞌapu ꞌikëbi. Mi ꞌimikinma bëtsi uni kaístakëxun, an Israel unikama min ꞌakësamaira okin atu ꞌakinun ꞌimiti ꞌikën.

1 Samuel 16:14

Usa ꞌain ka Nukën ꞌIbun aín bëru ñunshin Saúlnua, chikinnun ꞌimianan anbi ñunshin ꞌatima an ꞌatimonun Nukën ꞌIbun anu xuakëxa, an ka ñunshin bakënun ꞌimiakëxa.

1 Samuel 19:24

usai ꞌika uinu kara Samuel ꞌikë anu nukuxun aín chupa pëtankëxun a nëtënbi pëuxun ꞌabaikin a imë́ribi Diosan bana ñuiakëxa. Anuax ka ësai kiakëxa. “¿Saúl axribi kara an Dios kikë bana uni ñuixunkëkama achúshi ꞌik?”