2 Samuel 6:9 - Kashibo-Kakataibo Biblia

⁹ Usakia ꞌan ka a nëtën David ꞌitsaira Diosmi rakuë́akëxa, rakuë́ti ka ësai kiakëxa: “¡ꞌËn kana asérabi bunántisa okin ꞌakë anua Diosan bana kuënëokë nankë ënë buánti sinaniman!”

2 Samuel 6:9 ပူးပေါင်းရင်းမြစ်များ

2 Samuel 6:8

Usokian Diosan Uzá bamanun ꞌimia isi ka David ꞌitsaira masánuituti iankëxa, usakian anuxun ꞌimikëka a me Peres-uzá kakin anëakëxa, usokinbi ka bërí nëtë kamanbi anëkania.

1 Reyes 8:27

ꞌAínbi kara ¿asérabi Dios ënë menu tsóti ꞌik? Naíkamë ꞌëo axbi ka chaiira ꞌaíshi mibë sënë́nma ꞌikën, ¡usa ꞌaínbi kana ꞌën unikama anuxun mi rabiti achúshi xubu ꞌaxunun ꞌamian!

Isaías 6:5

Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Mateo 25:25

Usa ꞌain cana racuë́quiani cuanxun nëtë́miti rabanan me naëxun anu maínquin min curíqui unëan. Min curíqui ami ꞌë ꞌináncë a ca ënëx ꞌicën, camina biti ꞌain.

1 Pedro 3:6

Usaribi oquin ca Saran aín bënë Abraham cuëëncësabi oquin ꞌanan aín bënë ꞌicëbi —ꞌën ꞌibu —cacëxa. Mitsúxribi ñu upíshi ꞌanan, Nucën Papa Diosmi catamëti, uisa ñu cara ꞌicëbëbi racuë́cëma ꞌaish camina Sara ꞌiásaribi ꞌiti ꞌain.

1 Samuel 6:20

Usokin an ka Bet-semes anu tsókë unikama kiakëxa: ¿Uin kara anubi nixun Nukën ꞌIbun ax upíira ꞌixun ꞌatimokëxun tënëti ꞌik? ¿Uimi okin karanuna bunántisa okin ꞌakë anua Diosan bana ꞌikë ënë numa ꞌatimoia xuti aín?