2 Samuel 6:20 - Kashibo-Kakataibo Biblia

²⁰ Usai kuankantámainun ka David aín xubunu aín xanu isi kuankëxa; kuankin aín xubunu nukúkin iskëxbi ka aín xanu Mical Saúlnën ꞌini bëchikë, ax kuania isbëtsini ukin kakëxa: —¡Bërí kamina mix Israelkaman ꞌapu ꞌaíshbi usai ꞌiax asábi bërúan, min kamina an ꞌë ñu ꞌaxunkë xanukaman ka isia kixun sinanimaishi uni nishkë ꞌikësaira rabinima usai ꞌian!

2 Samuel 6:20 ပူးပေါင်းရင်းမြစ်များ

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

2 Samuel 6:14

Usa ꞌain ka David chupa efod lino ꞌakë a pañuax kuani ꞌain kushibëbi kuëëni ransakiankëxa,

2 Samuel 6:16

Usakin bunántisa okin ꞌakë anua Diosan banakama kuënëokë nankë, a buani anua David ꞌikë ëma anu bëbakania ka Saúlnën ꞌini bëchikë Micalnën aín xubu xëkuë chukúma manámi ꞌikë anun isakëxa; iskëxbi ka aín bënë David ax kuëëni chirinkin ransakia Dios rabikë ax ainan ꞌaisama ꞌiakëxa, usa ꞌain ka ami ꞌatimakin sinánkëxa.

2 Samuel 6:18

usokin ñuina xarokin sënë́ontankëxun ka Davidnën kamabi Israel unikama ësokin kakëxa, kamabi mitsun ꞌakë ñukamax ka Nukën ꞌIbu Dios kamabi kushiñuira an ꞌakinkëx upí ꞌiti ꞌikën,

2 Samuel 6:19

usai kia David sënë́nkëbëtan ka kamabi israel uni bëbu ꞌimainun xanukamanribi pán harina akë a ꞌimainun cha okían batokin ꞌakë akama këñun nami xuikë tëxëkë akama ꞌimainun uvas ëskakë akamabi mëtikanankëxa. Usakin ꞌatankëx ka kamáxbi atun xubunu rikiankëxa.

Marcos 14:66

Usaquian Jesús ꞌamainun ca Pedro xubu tanáin me mëníocënu ꞌiacëxa. Anua ꞌain ca an sacerdotenën cushicaman ꞌapu ñu mëëxuncë xanu uacëxa.

Marcos 3:21

Usai ꞌia cuabiani ca aín aintsi ꞌibu ax —sapi ca ñunshíanxa —quiquiani Jesús bitsi cuancëxa.

Juan 13:6

Tatërëntancëxa aribishi tachucati aia ca Simón Pedronën Jesús cacëxa: —¿Min caramina ꞌë tachucati ꞌain?

Josué 24:15

Usa ꞌain kamina mitsun Nukën ꞌIbu rabitisama tani, bëríbi uisa dios kaina mitsun rabitisatani kiax kiti ꞌain: Kaina mitsun chaitiokëkaman Éufrates kakë baka kuëbí pain tsókë ꞌixun rabia dios, a rabiti ꞌain ꞌakima karamina anumi bërí tsókë amorreo unibunën me anu ꞌikë dios akama rabiti ꞌai kiax kamina kiti ꞌain. ꞌAínbi kana ꞌën, xanu ꞌën bakë bëchikëkamabëbi Nukën ꞌIbu kuëënkësa oíshi ꞌiti ꞌain.

Jueces 9:4

Kanan ka setenta kuríki manë ꞌakë a anuxun Baal-berit rabiti xubunu ꞌikë kuríki a bixun Abimélec ꞌinánkëxa. ꞌInákëxun a kuríki bixun ka anun Abimélecnën ꞌatima unikama a isa nuikin ꞌakinun kixun kupíokëxa. Usokëx ka a uni ꞌatimakama a nuibiani abë kuankëxa,

1 Samuel 14:49

Saúlnën bakë bëchikëkama ka ꞌiakëxa: Jonatán, Isví, ꞌimainun Malquisúa akama. ꞌImainun ka aín ꞌini xanukama ꞌiakëxa: Merab, aín apan ꞌimainun Mical, aín ꞌanáka ashi.

1 Samuel 18:20

ꞌAínbi ka Mical Saúlnën ꞌini bëchikë xanuitsi a Davidtan mërati okë ꞌiakëxa. Mërati okë ñuikania kuati ka Saúl asábi ka kixun sinani kuëëankëxa,