2 Samuel 6:2 - Kashibo-Kakataibo Biblia

² Usokin ꞌabiani ka Baalá ꞌikëbia Quirat-jearim kakinribi anëkë axa Judá menu ꞌikë anuax aín treinta mil suntárukama buani, uisoxun karaisa bunántisa okin ꞌakë anua Diosan bana kuënëokë nankë a buánti ꞌikë kixun tani kuankëxa, ax ka Israel kaman Dios kamabi kushiñuira ꞌianan aín ángel pëchiñukama usamaira ainan ꞌiakëxa.

2 Samuel 6:2 ပူးပေါင်းရင်းမြစ်များ

2 Samuel 22:11

Usai ꞌika achúshi ángel pëchiñu anu papiax bënëtishi ꞌë ꞌakinux uakëxa; usai ka achúshi ꞌisakaxa aín pëchi ñashi ꞌaish suñun bënëtishi nuankiani kuankësa usai ꞌinun ꞌiakëxa.

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Isaías 54:5

ꞌianan ka an mi unio an aín xanusa ꞌikë mi biti ꞌikën. Aín anëx ka Nukën ꞌIbu kamabi kushiñuira ꞌikën; ax ka an mi bitëkënti Israel unikaman Dios upíira a ꞌikën, ꞌianan ka Dios kamabi me an unio a ꞌikën.

1 Pedro 1:12

Usai Cristo ꞌitia Nucën Papa Diosan ꞌunánmicëxun ca atun isquinmabi, atun rëbúnqui ꞌixun cananuna nun a ñucama isnuxun ꞌai quixun ꞌunáncëxa. A bana Cristo ñui quicë, a ca a Nucën Papa Diosan naínua xucë aín Bëru Ñunshin Upitan ꞌamicëxun aín unicaman mitsu ñuixunia. A bana ca ángelcamanribi uisai quicë cara quixun cuaisa tania.

1 Samuel 4:4

Usai kitankëxun ka Israel ꞌapukaman an biti suntáru raíri Siló kakë ëmanu xuakëxa, xukëx kuanxun ka bunántisa okin ꞌakë kurin ratakakakë anua Dios kamabi kushiñu Querubin samaira ainan a bëakëxa. Bëkëbë ka Elínën bëchikë Hofní ꞌimainun Finees a rabëtaxribi atubë uakëxa, ukin ka anua Diosan bana kuënëokë ꞌarukë bunántisa okin ꞌakë a bëakëxa.

1 Samuel 6:21

Ësai kitankëxun ka anu ꞌikë unikaman Quiriat-jearim anu tsókë unikama ësokin kamiakëxa: filisteo unikaman ka bunántisa okin ꞌakë anua Diosan bana ꞌikë kurin ratakakakë a bëtëkëanxa, usa ꞌain kamina bitsi ꞌukanti ꞌain kixun kamiakëxa.

1 Samuel 7:1

Usa ꞌain ka Quiriat-jearim ëmanu bukukë unikama raírinën utankëxun bunántisa okin ꞌakë kurin ratakakakë Nukën ꞌIbunan a bibiankin aín bashi anua Abinadabnën xubu ꞌikë anu buáruxun mëníokin nankëxa, usakin nantakëxun ka Eleazarnën bëchikë an bërúanun kixun upíokin ꞌësëkin katankëxun ëankëxa.