2 Samuel 6:16 - Kashibo-Kakataibo Biblia

¹⁶ Usakin bunántisa okin ꞌakë anua Diosan banakama kuënëokë nankë, a buani anua David ꞌikë ëma anu bëbakania ka Saúlnën ꞌini bëchikë Micalnën aín xubu xëkuë chukúma manámi ꞌikë anun isakëxa; iskëxbi ka aín bënë David ax kuëëni chirinkin ransakia Dios rabikë ax ainan ꞌaisama ꞌiakëxa, usa ꞌain ka ami ꞌatimakin sinánkëxa.

2 Samuel 6:16 ပူးပေါင်းရင်းမြစ်များ

2 Samuel 5:7

Usakin kakëxunbi ka aín suntárukamabëtan Davidtan Jerusalén ëmanu ꞌikë suntárukama ñatankin biakëxa, usakin ꞌaxun ka Davidtan ëma kakin anëakëxa, anëa ꞌikë ka usakin anëkankëxa.

2 Samuel 6:15

usai David ꞌikëbë ka abëa kuankë raíri Israel unikamax an bunántisa okin ꞌakë buánkëkama a rëkuë́nbiania kuankë akamaxribi kuëëni sharákiani kuankin, atun a banoti ꞌakë banobiankëxa.

2 Samuel 6:20

Usai kuankantámainun ka David aín xubunu aín xanu isi kuankëxa; kuankin aín xubunu nukúkin iskëxbi ka aín xanu Mical Saúlnën ꞌini bëchikë, ax kuania isbëtsini ukin kakëxa: —¡Bërí kamina mix Israelkaman ꞌapu ꞌaíshbi usai ꞌiax asábi bërúan, min kamina an ꞌë ñu ꞌaxunkë xanukaman ka isia kixun sinanimaishi uni nishkë ꞌikësaira rabinima usai ꞌian!

Salmos 69:7

Mi kupín kana unin uisakinshi kara ꞌë ñuikëxunbi tënëa; usai ꞌi kana ꞌën bëmanabi xanai rabian;

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Hechos 2:13

Usaia quicëbëbi ca raírinëx ami cuai —ñu bata xëaxbi sapi ca paë́ncanxa —quiax canancëxa.

1 Corintios 2:14

An sinánmicëma uni an ca Nucën Papa Diosan Bëru Ñunshin Upitan sinánmicë ñu ꞌunanima. A ñucamax ca an iscëx ꞌusani ami cuaitisa ꞌicën. Unin ca a ñu ꞌunánti ꞌicën, Nucën Papa Diosan Bëru Ñunshin Upitan ꞌunánmicëxuinshi.

1 Samuel 18:17

Achúshi nëtën ka Saúlnën David kakëxa: —ꞌËn ꞌini bëchikë apan Merab kakë a kana min xanu ꞌinun mi ꞌinánti ꞌain, usa ꞌain kamina mix ꞌakanantimi rakuë́tima Nukën ꞌIbu mi ꞌakinkëx ꞌakánanti ꞌai kixun kakëxa. ꞌAínbi ka Saúlnën anbi ꞌakinma, këmëxun filisteo suntárukama ꞌamiti sinánxun usakin kakëxa.

1 Samuel 18:20

ꞌAínbi ka Mical Saúlnën ꞌini bëchikë xanuitsi a Davidtan mërati okë ꞌiakëxa. Mërati okë ñuikania kuati ka Saúl asábi ka kixun sinani kuëëankëxa,