2 Samuel 6:14 - Kashibo-Kakataibo Biblia

¹⁴ Usa ꞌain ka David chupa efod lino ꞌakë a pañuax kuani ꞌain kushibëbi kuëëni ransakiankëxa,

2 Samuel 6:14 ပူးပေါင်းရင်းမြစ်များ

2 Samuel 6:15

usai David ꞌikëbë ka abëa kuankë raíri Israel unikamax an bunántisa okin ꞌakë buánkëkama a rëkuë́nbiania kuankë akamaxribi kuëëni sharákiani kuankin, atun a banoti ꞌakë banobiankëxa.

2 Samuel 6:20

Usai kuankantámainun ka David aín xubunu aín xanu isi kuankëxa; kuankin aín xubunu nukúkin iskëxbi ka aín xanu Mical Saúlnën ꞌini bëchikë, ax kuania isbëtsini ukin kakëxa: —¡Bërí kamina mix Israelkaman ꞌapu ꞌaíshbi usai ꞌiax asábi bërúan, min kamina an ꞌë ñu ꞌaxunkë xanukaman ka isia kixun sinanimaishi uni nishkë ꞌikësaira rabinima usai ꞌian!

Salmos 150:4

¡Rabi ka manë sharíkati ꞌakë a sharíkai abi tani ransati ꞌikën! ¡Rabikin ka a xunkati ꞌakë a xunkai ꞌianan anun mëëti risi satëonkin ꞌakë akama mëëkin rabiti ꞌikën!

Salmos 87:7

Usa ꞌain ka ax kantai ransakë, a unikamax kiti ꞌikën: nun kananuna Dios Jerusalén ëmanuxun ꞌunánkë kiax ka kikanti ꞌikën.

Éxodo 15:20

Usai ꞌikëbëtan ka an bana ñuikë María, Aarónën chirabakën, aín manë sharíkati bitsi sharíkai ransakëxa, ransakëbë a kamabi xanukamaxribi atun manë sharíkati bitsi a nuibiani abë ransakëxa,

Éxodo 15:21

usai ꞌikin ka Maríanën kamabi xanu Dios rabi kantanun ka ukan kixun kai: Nun ꞌIbu rabi ësai kantai kiakëxa, an ka nu ië́mikin nun iskëma ñu ꞌakin faraónën suntárukama aín caballonu ꞌikëkama parúmpapanu nanë́miaxa.

Éxodo 19:6

Usa ꞌixun kamina mitsun ꞌën kuëënkësabi okin ꞌai kuni ꞌënan ꞌiti ꞌain, usa ꞌixun kamina achúshi ëma bëtsi ëmakamasama ꞌixun ꞌëshi rabinun, sacerdotekama ꞌikësaribiti ꞌiti ꞌain, ësakin kamina Israel unikama kati ꞌain.

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Lucas 15:25

Usaía ꞌimainun ca aín bëchicë apanën naënuxun ñu mëëaxa. Ñu mëëbaiti xubu rarobëtsini uquinbi ca pacon bana ocëbëa sharati cuëënia cuaxa.

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

Colosenses 3:23

Uisa ñu caramina ꞌain, abi camina ꞌaisabi tanquin —unishima ꞌën ꞌIbu Jesucristoribi cana ënë ñu ꞌaxuni —quixun sinánquin upí oquin ꞌati ꞌain.

1 Samuel 2:18

Usokia atun ꞌamainun ka, bëná ꞌixun Samuelnën efod kakë chupa upíira lino ꞌakë a pañukë ꞌixun Nukën ꞌIbun ñu mëëti ënkinma abi ꞌakëxa.

1 Samuel 2:28

ꞌImainun kana Israel unikaman ñaká kamanua ꞌën kaískë sacerdote ꞌixuan atun anuxun ñuina xaroti ꞌën ꞌamikë anuxun, ñuina xaronan sanuira ro aribi ꞌanan sacerdote unikaman pañukë chupa upíira a pañunun ꞌamiakën. ꞌAmianan kana mitsun rarakama ꞌimainun mitsuribi ꞌë ꞌinaishikë ñu ꞌë rabikin xaroia aín tëxëkë pinun ꞌamiakën.