2 Samuel 5:1 - Kashibo-Kakataibo Biblia

¹ Usakin ꞌakë basikëbë ka kamabi Israel unibu aín ñakánu ñakánu ꞌikë akaman Hebrón ëmanu, kuanxun abë banakin David kakëxa: “Nukamax kananuna min aintsi ꞌibu ꞌain.

2 Samuel 5:1 ပူးပေါင်းရင်းမြစ်များ

Génesis 29:14

Usakin ñuixuntankëxa sënënia ka Labánnëribi unánmikin kakëxa: Mix kamina asérabi ꞌën aintsi ꞌibu ꞌain, usa ꞌaish kamina ꞌën imibi ꞌain. Usa ꞌain ka Jacob ax aín kuku Labánën ꞌikënu achúshi ꞌuxë ꞌi bërúakëxa.

2 Samuel 19:12

ñukákin kamina ësokinribi kati ꞌain, atux kara ꞌëx atun ꞌapu ꞌiti kuëënia ꞌëx kana atun ꞌaintsi ꞌibu ꞌain kixun kamina atu kati ꞌain.”

2 Samuel 19:13

Kanan ka Amasá aribi ësokin katánun kakëxa: “Mix kamina ꞌën ꞌaintsi ꞌIbu ꞌain, usa ꞌaish kamina bërí ꞌën suntárukaman kushi ꞌiti ꞌain, mix ꞌimainun ka Joab ax chikíkë ꞌiti ꞌikë kixun ka kamiakëxa. ꞌËn mi kakësokin ꞌaiama ka Diosan uisakin kara ꞌaisa tania usakin ꞌë ꞌatimoti ꞌikën.”

2 Samuel 19:14

Ësokin kamikin ka Judánu ꞌikë unikama kuëënia achúshi unin sinánkësa okinshi sinania kuëëntanun kamiakëxa, kamikëx ka kamabi uni asábi ka nun ꞌapu ꞌinux ka aín suntárunën kushikamabëbi uti ꞌikë kixun atúnribi kamiakëxa.

2 Samuel 19:43

Kia ka Israel unikaman atu kakëxa: —Nukamax kananuna mapai rabë́ ñakánuax ukë a ꞌain. ꞌAínbi kamina mitsux achúshi ñakáratsushi ꞌain, usa ꞌain kananuna nukamax mitsun aintsi ꞌibubi ꞌain. ¿Usa ꞌaínbi karamina mitsux nukamami nishin? ¿Mitsun kaina nukamanu nun ꞌapu ka nunubi utëkënti ꞌikë kiax kikë a sinaniman? Usakian atun kakëxbi ka Judánu ꞌikë unikama atuxira ꞌatimati banai Israel unikama ꞌikësamairai nishi banai kikankëxa.

Efesios 5:30

Nux asérabi ainan ꞌaish ax cuëëncësabi oi ꞌianan ami catamëti abë achúshisa ꞌicë ca usoquin nu bërúanquin ꞌaquinia.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

Jueces 9:2

—Nux kananuna aín aintsi ꞌibu ꞌain usa ꞌain kamina Siquem ënu ꞌikë unikama ësokin kakin sinanamiti ꞌain, usa ꞌain ka achúshi unixëshia ꞌapu ꞌimainun ka setenta Jerubaalnën bakë bëchikëkama ax achúshirabi ꞌapu ꞌitima ꞌikën.