2 Samuel 23:5 - Kashibo-Kakataibo Biblia

⁵ Usa ꞌain ka ꞌën rëbúnkikamax Diosanbi bërúankë unibu ꞌiti ꞌikën, an ka ëbëtan achúshi ñu sinántëkëntima okin ꞌakëxa, anbi ka usokin ꞌati sinánkëxa usa ꞌixun ka an kikësokinbi ꞌati ꞌikën. ꞌAkin ka axa ꞌëmi nishkë unikamabë ꞌakanankin ꞌën ꞌanun ꞌë ꞌamiti ꞌikën, ꞌamianan ka kamabi ꞌën ꞌaisatankë ñukamaribi ꞌanun ꞌë ꞌamiti ꞌikën.

2 Samuel 23:5 ပူးပေါင်းရင်းမြစ်များ

Génesis 9:16

Uínsaran kara nón bai kuínnu mëratia anu kana ꞌën a iskin, achúshi ñu nëtë́tima okin ꞌakë ax ka unikama ꞌimainun ñuina kamabi menu ꞌikëbëtan ꞌá ꞌikë kixun sinánti ꞌain.

2 Samuel 12:10

Usa ꞌixun kamina min ꞌën kakëxunbi ꞌën bana kuaisama tankin hitita uni Urías ꞌamixun aín xanu min xanu ꞌiti bian, usa ꞌain ka uínsarabi mix ñukëma pain ꞌain min bakë bëchikëkama atuxi ꞌatimati bukui upitax tsótima ꞌikën.

2 Samuel 18:14

—Ësakin kakëxun ka usama ka mibë kana ñankabi ësai banai —kixun Joadnën kakëxa; kakin rabë́ ꞌimainun achúshi pia chukúma anun mëkënan tuíanx ꞌakánanti ꞌakë a bibiani anu kuanxun ka i pëñanu bë́ëkë mërakin anun Joabnën bamakëma ꞌikëbi shitúkakin Absalón tarókëxa.

2 Samuel 7:12

usa ꞌain kana anúnmi ñuti nëtë ꞌikëbëtan min bakë bëchikë achúshi nëtë́timokin mëramikin axa ꞌapu ꞌinun ꞌimiti ꞌain.

2 Samuel 7:18

Usakian ñuixunkë anu atsíanx abë banati ꞌakë anu atsíanx abë banakin ka, Davidtan Dios kakëxa: ꞌËn ꞌIbu Dios kushiira, ¿ui karana ꞌëx ꞌain, ꞌën aintsi ꞌibukamaribi ka ñuma ꞌikë unin isia, usa ꞌaínbi kaina uisaxun ꞌë ꞌapu ꞌinun ꞌimian?

1 Reyes 1:5

Usa ꞌain ka Adonías Davidtan bakë bëchikë Haguit kakë xanumia ꞌa tuá ax aín papami nishi ꞌëx kana ꞌapu ꞌiti ꞌain kiax kiakëxa. Usai kikin ka anuax ꞌakánanti caballonën nirinkë, a ꞌimainun anun kuani ꞌakánanti caballo akama bianan, an bërúanti cincuenta suntáru timëkin biakëxa.

1 Reyes 11:38

ꞌËn mi kakësabiokin kamabi ñu upíokin, ꞌën ismainunbi ꞌakin a tanti banakama ꞌimainun ax kikësabi oi ꞌiti banakama ꞌaia kana ꞌën uni David ꞌakiansaribi okin mi ꞌakinti ꞌain, ꞌakinkin kana min rëbúnkinëxa Israel kaman ꞌapu ꞌinun ꞌimiti ꞌain, ꞌën uni David kásabi oi ka ain rëbúnki Judá menu ꞌikë unikaman ꞌapu ꞌiti ꞌikën.

1 Reyes 12:14

kakin ka usakin kanun bëná unikaman kakë usakinbi kakëxa: ꞌën papan ꞌitsaira ñu mëëmikin achúshi ñu ꞌië ꞌamia ꞌikë kana, ꞌën bëtsi usamaira ꞌië́ra mitsu ꞌamianan chaiirabu ꞌamiti ꞌain, ꞌën papan anúan tsitëkërëkikë anun rishkia ꞌikë kana mitsu ꞌën mëxi aín rëbunu manë tëkërëkakë anúnribi rishkiti ꞌain.

Salmos 27:4

Achúshi ñushi kana Nukën ꞌIbu ñukan, usa ꞌain kana achúshi ñu ashi kuëënin: ax ka anuxun Nukën ꞌIbu rabiti xubunu ꞌëx kamabi nëtë anun tsókë a nëtëkama ꞌikën, a xubunuxun kana rabikin a ñukáti ꞌain. Ñukákin kana an unio ñukama upí iskin ashi rabiti ꞌain.

Salmos 89:3

Min kamina achúshi ñu min uni Davidbëtan ꞌakën; ꞌakin kamina ñu ꞌaxunuxun min kaískë uni kakën:

Isaías 11:1

Ësai ka Dios kiakëxa, Jesénën rëbúnki achúshinuax ka i mo kótëkëni kanikë usaribi ꞌitánun achúshi uni mërati ꞌikën, usa ꞌi ka aín tapunuaxi kookësa ꞌi mërati ka ax ꞌapu ꞌiti ꞌikën.

Isaías 54:10

Aín bashikamax anua ꞌikë anuax amoki shaíkimainua, matá mekama tukibuti rëukubukëbëbi ka ꞌën mi nuibakë ax uisaibi ꞌi nëtë́tima ꞌikën, ꞌimainun ka ꞌën mibëtan ꞌa achúshi ñu anun upiti tsóti ax uisaibi ꞌi nëtë́tima ꞌikën.” Usai ka min ꞌIbu ax mixmi ꞌaisama ñu ꞌinutia isi mi nuibati kia.

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Isaías 61:8

Usa ꞌain ka Nukën ꞌIbun upí ñuishi ꞌati kuëënia, ꞌianan ka mëkamanan an usai ꞌiti bana nankë a tankinma ꞌatima ñuira ꞌakin bëtsin uni ꞌakë a kuëënima. Usa ꞌixun ka ax kikësabiokin ënkinma ꞌakinkin an biti ñu upí ꞌinánti ꞌikën, ꞌianan ka ax kiásabiokin achúshi ñu këñutima okin atubëtan ꞌati ꞌikën.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Ezequiel 37:26

Usa ꞌain kana atubëtan achúshi ñu ꞌupitax atux bukuti a kupí ꞌati ꞌain. Ax ka xënibua ꞌaínbia ꞌiti achúshi ñu ꞌën mëníokin ꞌakë ꞌiti ꞌikën. Usakin ꞌakin kana aín ꞌaintsikama ꞌuakamë ꞌëonun ꞌimianan, xënibua ꞌaínbia atu nëbëtsi anuxun ꞌë rabiti xubu upíira ꞌanun ꞌamiti ꞌain.

Amós 9:11

A nëtë ꞌikëbëtan kana ꞌën David ꞌapu ꞌain ꞌasaribiokin Israel unikama ꞌapuñu ꞌinun ꞌimiti ꞌain. ꞌImikin kana kamabi ñukama anu ꞌikë akama ꞌatëkënun ꞌamiti ꞌain,

Hechos 13:34

A banacamanu nun, an ca aín Bëchicë aín nami chëquítimoquin baísquimiti ꞌicë quixun ꞌunánun ca Nucën Papa Diosan aín uni ësaquinribi cuënëomiacëxa: “ꞌËn upí bana ñuiquin David cásabi oquin cana mitsu chuámarua ꞌinun ꞌimiti ꞌain”.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

Hebreos 6:19

Ënëx ca ësaribi ꞌicën. An manë nunti niquincë unicaman ca aín manë nuntia bëchunan tucáncaquin amami amami buánti rabanan, manë cha manë risin tëcërëcaxun, an cushioquin tuínun quixun baca nëbë́tsi nipatia. A manë chan tuíncë cupí ca nunti amanu amanu cuanima. Usaribiti cananuna Cristo anu Nucën Papa Dios ꞌicë anu cupí nun amanu amanu sinánbëquínquinma Jesucristomi sinánti ëntima ꞌain.

1 Samuel 2:35

Usai ꞌikëbëtan kana ꞌënbi achúshi sacerdote min aintsima bëtsi uni ꞌën kakësabiokin ꞌaisa uni bariti ꞌain, an ka ꞌën kakësabiokin ꞌati ꞌikën, ꞌianan kana a asaribi okin aín rëbúnkikamanribi ax kikësa okían ꞌën ꞌimia ꞌapu ñu mëëxunun ꞌimiti ꞌain.