2 Samuel 23:4 - Kashibo-Kakataibo Biblia

⁴ ꞌakinkëx ka pë́karakëma ꞌaínshi nëtë upíira iskësa usaribi ꞌianan, barin urukin pë́kabëtsinkëbëa naínu kuin ꞌaíma ꞌikë usaribi ꞌianan, ꞌuñe ꞌibúkin me chabókëbëa ñu bërukama kookë usaribiti ꞌiti ꞌikën.

2 Samuel 23:4 ပူးပေါင်းရင်းမြစ်များ

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

Salmos 72:6

¡Usai ꞌi ka ꞌuñe ꞌimainun nibitan menu ñu ꞌapákë, chabónan pasto chabókë usaribi ꞌiti ꞌikën!

Salmos 89:36

usa ꞌain ka aín rëbúnkikama ax ꞌiásaribiti atúxribi ꞌapu ꞌiti ꞌikën, usai ꞌika bari ꞌianan ꞌuxë këñutisama aín ꞌapu ꞌiti ꞌikën.

Isaías 60:1

Ësai ka Isaías kiakëxa: Jerusalén ꞌimainun Judánu tsókë unikama mitsun kamina kuati ꞌain, Nukën ꞌIbu kamabi kushiñuira ax ka achúshi ñu pëkikësa mitsubë ꞌikën, usa ꞌain kamina mitsux ichu ichukikë anun rabumëkësa ꞌikanin.

Isaías 60:3

Usai ꞌikëbë ka bëtsi bëtsi ëmanu ꞌikë unikama Dios kuëënkësabi oí tsóti tirínu ꞌikësa ꞌiti ꞌikën, ꞌimainun ka bëtsi bëtsi ëmanu ꞌikë ꞌapukama atúxribi ichu ichukikë an pë́kakësanu ꞌiti ꞌikën.

Oseas 6:3

¡A mi kushikin kananuna Dios ꞌunántëkënti ꞌain! Usakin ꞌakëbë ka Dios nukamanu ꞌi ꞌutëkëni barin urukin pë́kabëtsinkë usa ꞌianan, ka me chabóia mitakuatsinkëbë ꞌuí ꞌibúkësa usaribiti ꞌuti ꞌikën.

Oseas 6:5

Usa ꞌain kana ꞌën kakëxua an Dios kikë bana ñuikë unikaman mitsu ꞌatimonun ꞌamia, ꞌën bana an bana ñuikë unikama ñuikë a bananbia këñunun ꞌimian. Usa ꞌain ka ꞌën ꞌupiokin ꞌakë ñukama ax kuni upí ꞌaish tirísaribi ꞌikën.

Miqueas 5:7

Usa ꞌain ka Israel unikamax bëtsi bëtsi ëmanu ꞌikë unikamasamaira ꞌaish, nibí ꞌimainun ꞌuí Diosan menu ꞌibúmikëxua, xubi komikë usaribikin ka unixa usai ꞌiti ꞌikë kixun sinánkë ꞌaímabi ꞌiti ꞌikën.

Malaquías 4:2

ꞌAínbi ka an ꞌëx kikësabiokin ꞌakë unikama mitsunan, ꞌën ꞌakë ñu upíkama ax. Barin urukin pë́kabëtsinkësa usaribi ꞌiti ꞌikën, an ka mitsu ië́miti ꞌikën. Usakin ꞌakëx kamina kuëëni vaca bakëkama anuxun pimikë xubunuax chikiti chirinkë usairibi ꞌikanti ꞌain.

Juan 1:7

Ax ca Nucën Papa Diosan Bana, an ꞌuchañuira ꞌicëbi uni aín nuitu upí ꞌimiti, ax ucëbëa ami catamënun camabi uni a ñuixuni uacëxa.

Deuteronomio 32:2

ꞌËn ꞌunánmikë banakamax ka ꞌuí ꞌibúkësaribi ꞌikën, ꞌimainun ka ꞌëx kikë bana ënëx ꞌuí ꞌibúti sainkësaribi ꞌikën, ꞌimainun ka kuénkuru bërí ꞌibúkin ñu ꞌapákë chabókë usaribi ꞌiti ꞌikën, ꞌianan ka ꞌumpax tus kikin anu ꞌibúkin basi chabokësaribi ꞌiti ꞌikën.

Jueces 5:31

¡Nukën ꞌIbu ꞌëx kana axa min unikamami nishkë unikama këñuti kuëënin, ꞌimainun ka an mi nuibakë unikamax upitax bukui barin urukin aín kushin pë́kabëtsinkësa usaribi ꞌiti ꞌikën!” Usai ꞌiaxa sënë́an ka cuarenta baritia ꞌimi a menuax ꞌakanantëkënima upitax buküakëxa.