2 Samuel 22:49 - Kashibo-Kakataibo Biblia

⁴⁹ An ka axa ꞌëmi nishkë unikama bana kuakëma akaman ꞌakatsiabi ië́mikin ꞌë ꞌakian a ꞌikën ¡Dios min kamina an bënë́kinshi ꞌakánanti sinánkë unikaman ꞌakatsiabi ꞌë ꞌakiankën!

2 Samuel 22:49 ပူးပေါင်းရင်းမြစ်များ

2 Samuel 18:31

Usakin kakëbë axribi bëbakuatsini ukin ka etíope unin ꞌapu kakëxa: —Mixmi ꞌapu ꞌikë kana uisai kara min suntárukama ꞌiaxa a bana mi bëxuni aín: mix ꞌapu ꞌaia mibë ꞌakanankatsi kiax ax ꞌikë unikama atu ka ꞌaxa kixun ka kakëxa.

2 Samuel 5:12

Usakin kamabi ñu ꞌakin ka Davidtan Diosanbi ka Israel unibunën ꞌapu ꞌinun ꞌë ꞌimiaxa kixun ꞌunánkëxa, ꞌimainun ka anbi ꞌapu ꞌixun ëma upí ꞌitanun mëníonan, Israel unikama upíokin ꞌakinun ꞌamiakëxa.

Números 24:7

Israel unibunëx ka a xëati ꞌumpax ꞌitsairañu ꞌianan anun atun ñu ꞌapákë chabótiñu ꞌiti ꞌikën. ꞌImainun ka ain ꞌapu ax ka Agagbëtan sënë́maira ꞌiti ꞌikën; a ꞌapu aín kushi ka chaiira ꞌiti ꞌikën.

1 Samuel 2:8

Nukën ꞌIbun ka ñuñuma uni ñuñu ꞌinun ꞌimia ꞌimianan ka kuaínbëkini nitsi ñu ñukákanankë uni, atúxribi ñuñu unikamabë ñuñu ꞌi ꞌapu ꞌinun ꞌimiti ꞌikën ꞌimikin ka, atux tsókë anuribi tsónun ꞌimiti ꞌikën; Dios ax ka kamabi ñun ꞌibu ꞌianan kamabi men ꞌIbu ꞌikën, usa ꞌixun ka an me uniokin anubia ꞌitinu nankëxa.