2 Samuel 22:4 - Kashibo-Kakataibo Biblia

⁴ Mix Dios ꞌikë mishi rabiti ka asábi ꞌikën: ax ꞌëmi nishkë unikaman ꞌaisatankëxun min ꞌakinun ñukákëxun kamina asérabi ꞌë ꞌakinkin ië́mian.

2 Samuel 22:4 ပူးပေါင်းရင်းမြစ်များ

Nehemías 9:5

usokin ꞌatankëxun ka levita unikama Josué, Cadmiel, Binuy, Hasabnía, Serebías, Hodía, Sebanías ꞌimainun Petahía akaman kakëxa: “Chairukin kamina Nukën ꞌIbu Dios rabikanti ꞌain. ¡Ax ka kushiira ꞌikë, usa ꞌain ka xënibua ꞌaínbi aín anë upíokin sinánxunkin rabikë ꞌiti ꞌikën!”

Salmos 116:13

¡ꞌËa ꞌitsaira ñu ꞌaxunkë akama kupín kana, asabi ka kixun aín anë ñuikin rabiti ꞌain!

Salmos 116:17

Usa ꞌain kana, ꞌëmi ñukama ꞌaxunkë a kupín ñuina rëxun xaroxunkin, asabika kakin min anë rabikin mi ñukáti ꞌain.

Salmos 116:2

an ka kamabi ꞌën ñukákë banakama kuakin ꞌë ꞌakianxa. ¡Usa ꞌikë kana tsókëpan ꞌixun kamabi nëtën ꞌën a ñukáti ꞌain!

Salmos 116:4

Usa ꞌain kana Nukën ꞌIbu ami sinánkin, ꞌëa ꞌakinun kakin ñukákën.

Salmos 34:6

ꞌËx ñuñuma unisa ꞌixunmabi kana Nukën ꞌIbun ꞌakinun kixun ñukákën, ñukákëxun kuakin ꞌakinkin ka ꞌëx tëmërai masánuitutia iskin ꞌë ꞌakiankëxa.

Salmos 66:2

Dios rabi kantakin ka aín anë rabikan; usai ꞌikin ka an ꞌa ñukama chaiirabu ꞌa sinánkin rabikanti ꞌikën.

Salmos 96:4

Nukën ibu ax ka chaiira ꞌianan asérabi upíokin rabikë ꞌiti ꞌikën: ¡ax ka bëtsi dios kamasamaira, ami rakuë́ti a ꞌikën!

Romanos 10:13

Nucën ꞌIbu Diosan bana cuënëo ca quia: “Uin cara an ië́minun ñucatia a ca Nucën ꞌIbu Diosan ainan ꞌinun ië́miti ꞌicën”.

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.

Apocalipsis 5:12

Ësai ca munuma banai quiaxa: —Carnero ꞌicësaribitia unin ꞌucha cupí bama, ax ca bëtsibë sënë́nmaira ꞌicën. A unin ꞌacë, axa camabi unicaman ꞌapu ꞌianan, camabi ñun ꞌibu ꞌianan, camabi ñu ꞌunáncë, ꞌianan cushiira a ca camabi unicama ꞌimainun ángelcamanribi rabiti ꞌicën. Rabianan ca —asábi ca —quixun caquin rabiquin an cacë banacama cuati ꞌicën. Cuëënquin ca axribia cuëënun rabiti ꞌicën.