2 Samuel 22:33 - Kashibo-Kakataibo Biblia

³³ Dios ax ka ami ꞌëx katamëkë kushiira a ꞌikën, usa ꞌixun ka an ꞌëx ꞌakánanti ꞌunainra ꞌinun ꞌimiakëxa ax ka ꞌëx upitax tsóti kuëënia,

2 Samuel 22:33 ပူးပေါင်းရင်းမြစ်များ

2 Samuel 22:2

Ësai kiakëxa: Diosan ka ꞌë bërúankin ꞌakianxa, ax ka ami ꞌëx katamëkë a ꞌikën, usa ꞌixun ka ax ꞌëmi nishkë unikaman ꞌaisa taniabi ꞌë ꞌakianxa,

Salmos 27:1

Nukën ꞌIbun ka ꞌë ꞌakianan bërúaia, ¿uimi karana ꞌëx rakuë́ti ꞌain? Nukën ꞌIbuinshi ka ꞌën tsoti bërúaia, usa ꞌain ka ꞌëx ami rakuë́ti uni ꞌaíma ꞌikën.

Salmos 32:8

Nukën ꞌIbu ka ësai kia: ꞌën kana mi usakinmi ñu ꞌati ꞌunánmiti ꞌain, ꞌianan kana ꞌën ꞌunánmikin bana ñuixunti ꞌain, kianan kamina uisa upí ñu karana ꞌati ꞌai ꞌë ismikatsi kian.

Salmos 46:1

Nukën ꞌIbu Dios ax ka an nu kushionan ami katamëkëxun ꞌakinkë ꞌikën, usa ꞌixun ka uínsaran karanuna ꞌaisama ñu inuti anuabi nu ꞌakinia.

Éxodo 15:2

ꞌËx ami kantaia ka kuatia, an ka ꞌë kushionan ië́miaxa, ax ka Dios ꞌën a rabiti ꞌikën. Ax ka ꞌën papan Dios ꞌikën, usa ꞌikë kana asábi ka kakin rabiti ꞌain.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

2 Corintios 12:9

Ñucácëxunbi ca ꞌë caxa: “ꞌËn mi nuibaquin ꞌaquincëxun ꞌunani camina usashi ꞌiti ꞌain. An —cushima cana ꞌai —quixun sináncë uni, a cana ꞌën cushínbi upí oquin ñu ꞌanun ꞌaquinin”. Usoquin ca Nucën ꞌIbu Jesucristonën upiti ami catamëquin ñucë ꞌixunbi ñu ꞌanun ꞌë ꞌaquinia quixun ꞌunani cana ꞌëx ñucë ꞌaíshbi cuëënin.

Efesios 6:10

ꞌËn xucë́antu, ënë banaribi cana mitsu ñuixunin. Ax mibë ꞌixúan mi sinánmicësabi oquin ꞌai camina Nucën ꞌIbu Jesucristomi asérabi catamëti ꞌain. Usaími ꞌia ca aín cushínbi mitsu cushioti ꞌicën.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

Hebreos 13:21

anbia an iscë́xmi upí ꞌinun ꞌimianan ax cuëëncësabi oquinmi upí ñuishi ꞌanun mitsu ꞌimiti cana cuëënin. ꞌIanan cana an, Jesucristo cupí, ax cuëëncësabi oquin nu ꞌimiti cuëënin. A ca aín unicaman xënibua ꞌaínbi ënquinma rabiti ꞌicën. Usaquin ca ꞌati ꞌicën.