2 Samuel 22:29 - Kashibo-Kakataibo Biblia

²⁹ Dios min kamina ꞌëx upitax tsóti kuëënun ꞌimian; ꞌën ꞌIbu Dios min kamina axa ꞌëmi nishkë unikaman ꞌati ꞌikëbi achúshi tirísa ꞌixun ꞌë bërúankën.

2 Samuel 22:29 ပူးပေါင်းရင်းမြစ်များ

1 Reyes 11:36

Usakin kana achúshi ñakánu ꞌikë unin ꞌapuishi ꞌinun aín bakë bëchikë ꞌiminuxun ꞌain, ꞌimikëxun ka anua ꞌën uni David ꞌia Jerusalén ëma ꞌën kaisa anuxua ꞌë rabiti xubu ꞌamiakëxa.

Salmos 27:1

Nukën ꞌIbun ka ꞌë ꞌakianan bërúaia, ¿uimi karana ꞌëx rakuë́ti ꞌain? Nukën ꞌIbuinshi ka ꞌën tsoti bërúaia, usa ꞌain ka ꞌëx ami rakuë́ti uni ꞌaíma ꞌikën.

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Malaquías 4:2

ꞌAínbi ka an ꞌëx kikësabiokin ꞌakë unikama mitsunan, ꞌën ꞌakë ñu upíkama ax. Barin urukin pë́kabëtsinkësa usaribi ꞌiti ꞌikën, an ka mitsu ië́miti ꞌikën. Usakin ꞌakëx kamina kuëëni vaca bakëkama anuxun pimikë xubunuax chikiti chirinkë usairibi ꞌikanti ꞌain.

Juan 12:46

An aín sinan upíira ꞌixun uni upí ꞌimiti ꞌëx cana unicama ñu ꞌatima ꞌacë ꞌaíshbi sinanati ꞌëmi catamëti upí ꞌinun ꞌiminux uacën.

Juan 8:12

Usa ꞌain ca amiribishi Jesusan unicama cacëxa: —An aín sinan upíira ꞌixun uni upí ꞌimiti a cana ꞌëx ꞌain. Axa ꞌëmi catamëti ꞌëx cuëëncësabi oi ꞌicë uni ax ca ñu ꞌatima ꞌacëma ꞌianan aín sinan upí ꞌaish upiti tsotia.

Apocalipsis 21:23

A ëma ca Nucën Papa Diosanbi pëcaia. Carnero ꞌicësaribitia unin ꞌucha cupí bama, anribi ca a ëma pëcaia. Usa ꞌain ca baribëtan ꞌuxën a ëma pëcaima.