2 Samuel 22:24 - Kashibo-Kakataibo Biblia

²⁴ ꞌËx kana Diosan kakësa ꞌoíshi ñu ꞌatima ꞌaíma tsóakën; usai ꞌikana ꞌatima ñu ꞌatimi rakuëakën.

2 Samuel 22:24 ပူးပေါင်းရင်းမြစ်များ

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

Génesis 7:1

Usa ꞌain ka Nukën ꞌIbun Noé kakëxa: Mixëshi kamina uni ꞌatimati tsómainun ënë nëtënuax upiti tsotin, usa ꞌixun kamina ꞌën kakëxun kamabi ñu upíokin ꞌan. Usa ꞌain kamina nunti chaiirami ꞌakë anu mikamaxëshi min bakë bëchikë kamabë ꞌiruti ꞌain.

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Salmos 51:6

Min kamina asérabi sinan mëninñushi uni a nuibatin, usa ꞌixun kamina ꞌëribi sinan ñuira ꞌinun ꞌimia.

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

2 Corintios 5:11

Usaquin ca Nucën ꞌIbu Jesucristonën unicama ashúshi achúshi isti ꞌicë quixun ꞌunánquin cananuna ami racuë́quin camabi unínribi ꞌunánun a ñucama ñuiquin bana ñuixunin. An nu sinánmicësabi oquin cananuna bana ñuixuni quixun ca Nucën Papa Diosan ꞌunánxa. Usaquinu ꞌaiami mitsúnribi ꞌunánti cana cuëënin.

Efesios 1:4

Mecama uniocëma ꞌixunbi ca Nucën Papa Diosan Cristo cupínu an iscëx ꞌuchañuma ꞌianan ainanshi ꞌinun nu caísacëxa.

Colosenses 1:21

Mitsun Nucën Papa Diosmi sináncëma ꞌixun ñu ꞌaisamaishi ꞌacë ꞌaish camina abë upíma ꞌaish ami nishcësa ꞌiacën. Usai ꞌiá ꞌicëbi ca Cristo uni ꞌaish bama cupími abë upí ꞌinun Nucën Papa Diosan mitsu ꞌimiaxa. Mitsúxmi upíira sinánñu ꞌianan ꞌuchañuma ꞌaish Nucën Papa Diosnanshi ꞌinun ca Cristo bamacëxa.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.