2 Samuel 22:2 - Kashibo-Kakataibo Biblia

² Ësai kiakëxa: Diosan ka ꞌë bërúankin ꞌakianxa, ax ka ami ꞌëx katamëkë a ꞌikën, usa ꞌixun ka ax ꞌëmi nishkë unikaman ꞌaisa taniabi ꞌë ꞌakianxa,

2 Samuel 22:2 ပူးပေါင်းရင်းမြစ်များ

2 Samuel 22:32

¿Uix kara Diosaribi ꞌiti ꞌik? ¿Anu kara Diosaribi bëtsi dios an nu ꞌakinti ꞌik?

2 Samuel 22:33

Dios ax ka ami ꞌëx katamëkë kushiira a ꞌikën, usa ꞌixun ka an ꞌëx ꞌakánanti ꞌunainra ꞌinun ꞌimiakëxa ax ka ꞌëx upitax tsóti kuëënia,

2 Samuel 23:3

Israel kaman Dios ax ka ësai kiaxa: An Israel kama ꞌakinkë Dios an ka ꞌë ësokin kakëxa: An unikama aín ꞌapu ꞌixun ꞌakinti ax ka uisa ñu ꞌatimabi ꞌakëma ꞌiti ꞌikën, usa ꞌixun ka Diosan kuëënkësabi okin unikama ꞌakinti ꞌikën,

Salmos 42:9

ꞌËn kana Dios an nuibakin ꞌë ꞌakinkë, a ësokin kati ꞌain. “¿Uisa kupín kaina ꞌëmi manuan? ¿Uisa kupín karana axa ꞌëmi nishkë unikaman ꞌatima okëx masá nuitukë ꞌaish niti ꞌain?”

Salmos 91:2

ësokin a rabikin Dios kati ꞌikën: “Mix kamina an ꞌë bërúankin kushiokë a ꞌain, ꞌianan kamina nux ami katamëkë a ꞌain, ¡usa ꞌain kana ꞌëx mimi katamëti ꞌain!”

Mateo 16:18

Caxun ca mapara, griego banan “petra” cacë, a sinánquin Jesusan Simón cacëxa: —ꞌËn cana mi cain, mix camina Pedro caquin anëcë ꞌiti ꞌain. Minmi ꞌëmi bërí cacë bana sináncë usaribi oquin sináncë ca axa ꞌëmi catamëcë unicamax ꞌiti ꞌicën. Bamatancëxbi cëñútimoi ca a unicamax ꞌënan ꞌiti ꞌicën.

Deuteronomio 32:4

Ax ka an nu bërúankë ꞌikën; an ꞌakë ñux ka upíira upí ꞌikën, an ꞌakë ñux ka asérabi upí ꞌikën. Ax ka Dios ꞌaish këmëima asérabi banaia, ¡an ka uínsaranbi an ñu ꞌatima ꞌakë uni abi ꞌatima oima ꞌaínbi ka ënkinma a unikama ꞌatima onuxun ꞌaia!

1 Samuel 2:2

¡Nukën ꞌIbu uixi ka upíira misaribi ꞌaíma ꞌikën! ¡Uínbi ka min ꞌakësa okin bërúankin nu ꞌakinima, Nukën ꞌIbu! Uixi ka misaribi ꞌaíma ꞌikën.

1 Samuel 24:2

Usakin kakëxun ka Saúlnën kamabi Israel kamanua tres mil suntáru kaístankëxun timëbiani atu buani aín bashi anun kuainsama anunbi aín suntárukamabë David bari kuankëxa.