2 Samuel 22:18 - Kashibo-Kakataibo Biblia

¹⁸ An ka axa ꞌëmi nishkë uni kushiirabu an ꞌati ꞌikëbi ꞌë ië́miakëxa, atun ka ꞌë istisama tankëxa usa ꞌaish ka ꞌësama kushiirabu ꞌiakëxa.

2 Samuel 22:18 ပူးပေါင်းရင်းမြစ်များ

2 Samuel 22:1

Ësai ka David Dios rabi ami kantakëxa, Saúl ꞌimainun axa ami nishkë unikaman ꞌati ꞌikëbia Diosan ië́mikë ꞌaish ka.

2 Samuel 22:17

Diosan ka ꞌë ꞌakinkin naínuxunbi aín mëkënan birukësa okin anua bitima parúmpapa nëbë́tsinua ꞌë ië́miakëxa.

2 Samuel 22:19

Atux ka ꞌëbë ꞌakanankëxa ꞌëx ꞌaisama ñu inuti tëmërakëbëbi. ꞌAínbi ka Diosan usakin atu ꞌaiabi ꞌë nuibakin ꞌakiankëxa:

2 Corintios 1:10

Nuxnu bamati ꞌicëbi ca Nucën Papa Diosan nu ië́miaxa. Usa ꞌixun ca usabi oquin nu ꞌati ꞌicën. Cananuna ꞌunanin, mitsúnmi a nu ñucáxuncëxun ca an ꞌacësabi oquin nu ië́miti ꞌicën. ꞌItsa unían a nu ñucáxuncëxuan, an nu ië́mianan nu ꞌaquincë cupí, nun upí oquin bana ñuixunia cuati ca ami sinánquin ꞌaisamaira unin cuëënquin, asábi ca quixun caquin Nucën Papa Dios rabiti ꞌicën.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.