2 Samuel 22:11 - Kashibo-Kakataibo Biblia

¹¹ Usai ꞌika achúshi ángel pëchiñu anu papiax bënëtishi ꞌë ꞌakinux uakëxa; usai ka achúshi ꞌisakaxa aín pëchi ñashi ꞌaish suñun bënëtishi nuankiani kuankësa usai ꞌinun ꞌiakëxa.

2 Samuel 22:11 ပူးပေါင်းရင်းမြစ်များ

Génesis 3:24

Usakin uni chikíntankëxun ka Nukën ꞌIbu Diosan naësa amiaxa bari urukë au ain ángel raíri Edénu ꞌikë bainu nitsíankëxa. Ax ka ángel suntárusa ꞌiakëxa. An ka manë xëtokë tsi rëkirukësa ꞌixuan kuainakë bëkinkin anun bamatima i bimi anua uíxbi kuantirabanan bai bëarati anu nankëxa.

2 Samuel 6:2

Usokin ꞌabiani ka Baalá ꞌikëbia Quirat-jearim kakinribi anëkë axa Judá menu ꞌikë anuax aín treinta mil suntárukama buani, uisoxun karaisa bunántisa okin ꞌakë anua Diosan bana kuënëokë nankë a buánti ꞌikë kixun tani kuankëxa, ax ka Israel kaman Dios kamabi kushiñuira ꞌianan aín ángel pëchiñukama usamaira ainan ꞌiakëxa.

Salmos 104:3

¡Min kamina naínu ꞌikë baka nëbëtsi anu min xubu ꞌati ain itá nitsiankën! Usakin ꞌanan kamina nëtë kuin aribi min caballonën nikinkë usaribi ꞌinun ꞌimia; ¡anun kuani kamina suñun pëchinu ꞌirukiani kuankësa kiani kuanin!

Salmos 139:9

ꞌëx pëchiu ꞌaish nuankiani kuani ami bari urukë ami kuananbi, ami bari kuabúkë parúmpapa ꞌikë au tsóti kuankëbi kamina,

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

1 Samuel 4:4

Usai kitankëxun ka Israel ꞌapukaman an biti suntáru raíri Siló kakë ëmanu xuakëxa, xukëx kuanxun ka bunántisa okin ꞌakë kurin ratakakakë anua Dios kamabi kushiñu Querubin samaira ainan a bëakëxa. Bëkëbë ka Elínën bëchikë Hofní ꞌimainun Finees a rabëtaxribi atubë uakëxa, ukin ka anua Diosan bana kuënëokë ꞌarukë bunántisa okin ꞌakë a bëakëxa.