2 Samuel 2:1 - Kashibo-Kakataibo Biblia

¹ Usai kitankëxun ka Davidtan Dios abë banakin kakëxa: —¿Judá menu ꞌikë ëma achúshinu karana ꞌëx kuantima ꞌain? Kakëxun ka Diosan kakëxa: —Kamina kuanti ꞌai kixun kakëxa. Kixuan kakëxun ka Davidtan ñukákëxa: —¿Uinu karana kuanti ꞌain? Kixun ñukákëxun ka Diosan kakëxa: —Hebrón kakë menu kamina kuanti ꞌain.

2 Samuel 2:1 ပူးပေါင်းရင်းမြစ်များ

Génesis 13:18

Usa ꞌain ka Abram anua ꞌikë anuax aín ñukama mëniobiani niñu me Mamré kakë uni ainan ꞌain Hebrón kakë ëma ꞌurama ꞌikë anu ꞌi kuankëxa. Anuxun maxax bukunrukin ꞌatankëxun Nukën ꞌIbu rabiakëxa.

Génesis 32:2

Mëratia isi ka Jacob kiakëxa: “Ënëx ka Nukën ꞌIbu Diosan suntárukama ꞌikën.” “Usai ꞌia ami mërakë kupín ka a me Mahanaim kakin anëakëxa.

2 Samuel 15:7

Usakin ꞌakëbëa rabë́ ꞌimainun rabë́ baritia ꞌinukëbëtan ka Absolónnën anu kuanxun ꞌapu kakëxa: —ꞌËn kana mi kain mixmi ꞌapu ꞌikë min karamina Hebrónnu kuantankëxun ꞌën a ꞌaxunuxun kakë Dios ꞌaxuni kuantanun xutima ꞌain.

2 Samuel 5:19

Usai atux ꞌimainun ka, Davidtan ënë ñuikin abë banakin Dios kakëxa: —¿Filisteo unibunën suntárukama karana ꞌakanankinti ꞌain? ¿ꞌË kaina atu ꞌaia ꞌakinkin kushioti ꞌain? Kakëxun ka Diosan kakëxa: —Asabi ka, kamina atu ꞌati ꞌain, ꞌaia kana mi ꞌanun mitsu ꞌakinti ꞌain.

2 Samuel 5:23

ritëkënkuatsinkë ꞌain ka abë banakin David ësokin Diosan kakëxa: —ꞌAkin kamina ꞌashi buinxun atu ꞌatima ꞌain, anua bukukankë a kaxú kuainakëkin bëararatankëx kamina anua bálsamo kakë i nikë anu bëbakin ꞌati ꞌain.

1 Reyes 2:11

Usa ꞌain ka tsókëpan ꞌaish cuarenta baritia sënën Israel unikaman ꞌapu ꞌiakëxa, ax ka mapai achúshi ꞌimainun rabë́ baritia sënën Hebrón ëmanu ꞌapu ꞌiakëxa ꞌitankëx ka treinta ꞌimainun tres baritia ꞌimi Jerusalén ëmanuribi ꞌapu ꞌiakëxa.

Salmos 27:4

Achúshi ñushi kana Nukën ꞌIbu ñukan, usa ꞌain kana achúshi ñu ashi kuëënin: ax ka anuxun Nukën ꞌIbu rabiti xubunu ꞌëx kamabi nëtë anun tsókë a nëtëkama ꞌikën, a xubunuxun kana rabikin a ñukáti ꞌain. Ñukákin kana an unio ñukama upí iskin ashi rabiti ꞌain.

Ezequiel 36:37

ꞌËx Min ꞌIbu ꞌaish kana ësai kian: Usa ꞌixun kana ꞌëx kikësabiokin bëtsi ñukamaribi ꞌaxunti ꞌain. ꞌAxunkin kana Israel unikama añu ꞌaxúnun kara ꞌë ñukatia a ñukama ꞌaxunkin; aín unikamaxa ꞌaisamaira ꞌia ñuina ꞌarakakëx ꞌikësai, kaikamë ꞌëonun ꞌimiti ꞌain.

Números 27:21

ꞌAínbi ka Josuénëx sacerdote Eleazar anu pain kuanti ꞌikën, Josué axa anu kuankë ꞌain ka Eleazarnëx an kakësa ꞌitánun Urim kakë ñu anun aín anë ñui ꞌëbë banati ꞌikën. Usakin ꞌakëxuan Josuénën kakëxun ka Israel unikama añu ꞌanun kara kaia akama ꞌati ꞌikën.

1 Samuel 10:22

mëraima ka atux amiribishi Nukën ꞌIbubë banatëkëánkëxa, anu kara Saúl ꞌikë ꞌunánkatsi kiax. Ñukákëxunbi ka Nukën ꞌIbun kakëxa Saúl ka ënu ꞌiaxa, ꞌaínbi ka anu chupa ꞌarukë ñu bukunkëmi unëaxa kixun ka kakëxa.