2 Samuel 19:5 - Kashibo-Kakataibo Biblia

⁵ Usaia ꞌia ka Joabnën anua ꞌikë ꞌapun xubunu kuanxun ꞌapu David kakëxa: —Bërí kamina mix ꞌapu ꞌixun kamabi suntárunën kushikama ꞌimainun min unikamaribi axa mimi kuaikësamaira okin katëmian, usokin ꞌakin kamina bërí min bëchikë xanukama ꞌanan bëbukama ꞌimainun min xanukama, ꞌianan an mi ñu mëëxunkë xanukamaribi ië́mian.

2 Samuel 19:5 ပူးပေါင်းရင်းမြစ်များ

2 Samuel 15:30

Usai kuantamainun ka David aín bashi Olivos kakë mapërakëti; ain taxaka ëchiax taëinshi kuani ꞌitsaira masánuituti nitë́xëkiani kuani chupan matëkërëkiax kuankëxa. Usaia ꞌikëbë ka abë kuankë unikama atúxribi ꞌain maxkánu chupan matëkërë kiax kuani atúxribi inkiani kuankankëxa.

2 Samuel 18:17

Usa ꞌain ka suntárukama raírinën Absalón ñukë a buánxun atúnbi ninua ꞌikë kini chaiira anu nipakankëxa, anu nipaxun ka a manámi ꞌaisamaira chaiorukin aín chabukëñunbi maxá bukunruakëxa. Usakin ꞌamainun ka Israelnën suntáru bamakëmakama atux nuibianxuan ënkëx abati rikianx atun xubunu rikiankëxa.

2 Samuel 19:13

Kanan ka Amasá aribi ësokin katánun kakëxa: “Mix kamina ꞌën ꞌaintsi ꞌIbu ꞌain, usa ꞌaish kamina bërí ꞌën suntárukaman kushi ꞌiti ꞌain, mix ꞌimainun ka Joab ax chikíkë ꞌiti ꞌikë kixun ka kamiakëxa. ꞌËn mi kakësokin ꞌaiama ka Diosan uisakin kara ꞌaisa tania usakin ꞌë ꞌatimoti ꞌikën.”

2 Samuel 19:4

Usa ꞌain ka chupan mapuax ꞌaisamaira masá sinani nitë́xëti, uínbi upí sinánmikin kaisama ꞌitánun ꞌapu David munuma banai rarumakëxa: Rarumati ka aín bakë bëchikënën anë ñui kiakëxa. “¡ꞌËn bakë bëchikë, ꞌibu Absalón! ¡ꞌËn bakë bëchikë ꞌibu Absalón!”

2 Samuel 19:6

Bërí kamina mix ꞌapu ꞌixunbi min suntárunën kushikama nuibakinma axa mimi nishkë unikama nuibati ꞌai kixun ꞌunánan, bërí ꞌapukama këñunbi kamabi nuibatin, ꞌimainun kamina uikaman kara mi nuibatia atu ꞌatima ꞌain, uikaman kara mi nuibakinma ꞌatimoia atubëribi ꞌakananima nuibananin. Bërí kana ꞌunanin min sinánkëx sapi ka nukamax bamamainun min bëchikë Absalón ax bamatima ꞌiaxa.

Nehemías 9:27

Usakin ꞌaia kamina axa ami nishkë unikama tëmëraminun ꞌinánkën. Usakin ꞌakian tëmëramikëxun tankin ka atun min ꞌakinun kixun mi ñukákëxa, ñukákëxun nuibakin kamina naínuxunbi atun bana kuakin; an ꞌatimokë unikamanua an chikínti unikama bariakën.