2 Samuel 19:43 - Kashibo-Kakataibo Biblia

⁴³ Kia ka Israel unikaman atu kakëxa: —Nukamax kananuna mapai rabë́ ñakánuax ukë a ꞌain. ꞌAínbi kamina mitsux achúshi ñakáratsushi ꞌain, usa ꞌain kananuna nukamax mitsun aintsi ꞌibubi ꞌain. ¿Usa ꞌaínbi karamina mitsux nukamami nishin? ¿Mitsun kaina nukamanu nun ꞌapu ka nunubi utëkënti ꞌikë kiax kikë a sinaniman? Usakian atun kakëxbi ka Judánu ꞌikë unikama atuxira ꞌatimati banai Israel unikama ꞌikësamairai nishi banai kikankëxa.

2 Samuel 19:43 ပူးပေါင်းရင်းမြစ်များ

2 Samuel 19:14

Ësokin kamikin ka Judánu ꞌikë unikama kuëënia achúshi unin sinánkësa okinshi sinania kuëëntanun kamiakëxa, kamikëx ka kamabi uni asábi ka nun ꞌapu ꞌinux ka aín suntárunën kushikamabëbi uti ꞌikë kixun atúnribi kamiakëxa.

2 Samuel 19:9

Usa ꞌain ka kamabi ñakánu ꞌikë Israel unikama atux kuëbikanani kikankëxa: “ꞌApu David an ka numi nishkia filisteo unikaman ꞌatimoiabi nu ꞌakinkin ië́miakëxa; usa ꞌaínbi ka Absalónnëxa ami nishkëx ënë menuax chikíakëxa.

2 Samuel 5:1

Usakin ꞌakë basikëbë ka kamabi Israel unibu aín ñakánu ñakánu ꞌikë akaman Hebrón ëmanu, kuanxun abë banakin David kakëxa: “Nukamax kananuna min aintsi ꞌibu ꞌain.

1 Reyes 12:16

Usa ꞌain ka axa a isi kuankë Israelnën ꞌapukama atun kakëxun kuaisama tankë a sinánkin ësokin atun kakankëxa: “¡Nukaman kananuna Davidtan aintsi nun ꞌapu ꞌiti kuëënima! ¡ꞌImainun ka Jesénën bëchikë Davidtan añu ñubi nu ꞌaxunkëma ꞌikën!” ¡Nun xubunubi kananuna kuantëkënti ꞌain kiax ka israel unikama kanankëxa! ¡Usa ain ka David ain aintsikaman ꞌapubi ꞌiti ꞌikë kiax ka kikankëxa! Ësokin kabiani ka Israel unikama aín xubunubi rikiankankëxa.

Proverbios 13:10

Axa rabiakakë uni an ka bëtsi unibë mëëanantishi kuëënia; usa ꞌaínbi ka sinan mëninñushi uni an ꞌësëkin kakëxun bana kuatia.

Proverbios 15:1

Nishkë ꞌikëbia bëtsin sinanamikin kakë, an ka uni nishkëbi upí ꞌinun sinanamia; ꞌaínbi ka ꞌatimati banakin unin bëtsi atiaira nishnun ꞌimia.

Romanos 12:21

Mitsúxribi ꞌuchatin rabanan camina mitsu unin ꞌatimocëxunbi usaribi oquin cupitima ꞌain. Usoquinmi nuibacëx ca ax sinanati ꞌicën.

Gálatas 5:15

Usa ꞌaínbi bëtsibë nishanani cuamianani camina mitsux Jesucristonën unimasa ꞌiti ꞌain. Usai ꞌitin rabanan camina bërúinraocati ꞌain.

Gálatas 5:20

ꞌAnan ca ꞌaia, Nucën Papa Diosmi sinánquinma unin ꞌacë ñu rabiti, ñubë́ ꞌiti, bëtsibë nishánanti, cuamianani nishánanti, ñuñanánti, unimi pishui nishti, bënëtishi unimi nishti, anbi ñu ꞌacatsi quixun sináncë ꞌiti, ꞌimainun uni raíri, raíri unibë nishananquin amanu amanu sinánun sinánmiti, acamaribi.

Gálatas 5:26

Usa ꞌain cananuna —ꞌëx cana bëtsi unisama ꞌai —quiax rabítima ꞌain, cananuna cuëbicanani unibë nishanantima ꞌain, ꞌimainun cananuna bëtsimi nutsitima ꞌain.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

Santiago 1:20

Axa nishcë unix ca Nucën Papa Dios cuëëncësabi oi ꞌima.

Jueces 8:1

Efraínën rëbúnkinën ñakánu ꞌikë suntárukama atux ka Gedeónën abëtan madianita unikama ꞌai kuanxun kamikëma kupín ami nishi abë kuëbikanankëxa.