2 Samuel 19:42 - Kashibo-Kakataibo Biblia

⁴² Ësokin kaiabi ka Judánu ꞌikë unikama atun Israel unikama kakëxa: —ꞌApux ka nun aintsi ꞌibu ꞌikën. Usa ꞌain ka a kupínnu mitsubë nishananti ñu ꞌaíma ꞌikën. ¿Nukaman karanuna ꞌapun piti bixun pian, ꞌimainun karanuna ꞌain ñu nunan ꞌinun bian?

2 Samuel 19:42 ပူးပေါင်းရင်းမြစ်များ

2 Samuel 19:12

ñukákin kamina ësokinribi kati ꞌain, atux kara ꞌëx atun ꞌapu ꞌiti kuëënia ꞌëx kana atun ꞌaintsi ꞌibu ꞌain kixun kamina atu kati ꞌain.”

2 Samuel 19:43

Kia ka Israel unikaman atu kakëxa: —Nukamax kananuna mapai rabë́ ñakánuax ukë a ꞌain. ꞌAínbi kamina mitsux achúshi ñakáratsushi ꞌain, usa ꞌain kananuna nukamax mitsun aintsi ꞌibubi ꞌain. ¿Usa ꞌaínbi karamina mitsux nukamami nishin? ¿Mitsun kaina nukamanu nun ꞌapu ka nunubi utëkënti ꞌikë kiax kikë a sinaniman? Usakian atun kakëxbi ka Judánu ꞌikë unikama atuxira ꞌatimati banai Israel unikama ꞌikësamairai nishi banai kikankëxa.

2 Samuel 2:4

Anuxun ka Judánu ꞌikë unikaman timë́xun David atun ꞌapuisa ꞌinun kixun anu bëbakë anëakëxa. Anuxun ka uni raíritan David ñuixuankëxa Jabés kakë ëmanu tsókë Galaad menu ꞌikë unikama insa Saúl ñukë mainkanxa kixun,

2 Samuel 5:1

Usakin ꞌakë basikëbë ka kamabi Israel unibu aín ñakánu ñakánu ꞌikë akaman Hebrón ëmanu, kuanxun abë banakin David kakëxa: “Nukamax kananuna min aintsi ꞌibu ꞌain.

Jueces 8:1

Efraínën rëbúnkinën ñakánu ꞌikë suntárukama atux ka Gedeónën abëtan madianita unikama ꞌai kuanxun kamikëma kupín ami nishi abë kuëbikanankëxa.