2 Samuel 19:40 - Kashibo-Kakataibo Biblia

⁴⁰ Kuantamainun ka ꞌapu David Guigal kakë anu Quimham a ꞌimainun Judánu ꞌikë aín suntárukamabë kuani, Israel unikaman suntárukama raíribë kuankëxa.

2 Samuel 19:40 ပူးပေါင်းရင်းမြစ်များ

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

2 Samuel 19:10

Absalón nun ꞌapu ꞌitinu anëkë ax ka ꞌakanankënuax bamaxa. ¿Usa ꞌain karanuna ui kainkin David nun ꞌapun ꞌinun ꞌimitima ꞌain?”

2 Samuel 19:37

Usa ꞌain kana ꞌën mi kain, mix ꞌapu ꞌixun kamina ꞌën ëmanubi ñui kuantanun ꞌë xuti ꞌain, anuax ñuia ka ꞌën papakama anu maían anubi ꞌë mainkanti ꞌikën. ꞌAínbi ka ꞌapu ꞌikë an mi ñu mëëxunti bëtsi uni ënu ꞌikën: ax ka ꞌën bëchikë Quimham ꞌikën, usa ꞌain kamina mix ꞌapu ꞌixun uanxun ꞌë min ꞌaxuansaribi okin mix kuëënkësabi okin ñu min a ꞌaxúnun ꞌamiti ꞌain.

2 Samuel 19:9

Usa ꞌain ka kamabi ñakánu ꞌikë Israel unikama atux kuëbikanani kikankëxa: “ꞌApu David an ka numi nishkia filisteo unikaman ꞌatimoiabi nu ꞌakinkin ië́miakëxa; usa ꞌaínbi ka Absalónnëxa ami nishkëx ënë menuax chikíakëxa.

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën ꞌIbu ax ca upíira ꞌicën. Nucën ꞌIbu Diosan xucëx ca ënëx bërí aia. A ca camabi unin rabiti ꞌicën. Nucën ꞌIbu Dios, naínu ꞌicë, aribinu cuëënquin rabinun ca ꞌacan.