2 Samuel 19:39 - Kashibo-Kakataibo Biblia

³⁹ Usakin kamainun ka kamabi unikama Jordán kakë baka sikarakëakëxa. Sikákëbëtan ka ꞌapun Barzilai kana kuantëkëni kixun kakin achúshi okin bëtsuku kakëxa. Usokin ꞌaxun kuantanun ëbiani ka Barzilai anuaxa ukë ꞌain xubunubi kuantëkëankëxa.

2 Samuel 19:39 ပူးပေါင်းရင်းမြစ်များ

Génesis 14:19

Upíokin sinánxunkin Abram ësokin kakëxa: Mi ka Nukën ꞌIbu Dios naí manámi ꞌikë an naí ꞌimainun mekama unio an ꞌupiokin sinánxunti ꞌikën;

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 31:55

Usai atubë anu ꞌinëti ka pëkarakëma ꞌaínshi Labán niruakëxa, nirukin ka kuanuxun aín xutakama bëtsuku kanan aín bëchikë xanu rabë́ aribi bëtsuku kakin kamina bërúanx kuantankëx ꞌikuanti ꞌai kixun kakëxa, kabiani ka amiribishi anuaxa ukë aín me anubi kuantëankëxa.

Génesis 45:15

Usai Benjamínbë ꞌitankëx sënë́nkin ka Josénën aín xukë́n apankamaribi bëtsukukakin bitsi intëkëankëxa, ësai pain ꞌitankëxun ka aín xukë́nkama abë rakuë́timaishi banakëxa.

Génesis 47:10

Ësakin faraón katankëx ka Jacob ꞌimainun aín bëchikë José anuaxa banakë anuax kana kuani kabiani chikíakëxa.

Génesis 47:7

Usa ꞌain ka Josénën aín papa Jacob aribi ꞌapu faraón a ꞌunánmikin aín xubunu uankëxa. Uankëxun ka ꞌurama okin Jacobnën upiokinshi kakin faraón ꞌurama okëxa,

2 Samuel 14:33

Usakian kakëx ka Joab anu kuanxun ꞌapu Absalónnën usakian a ñuikin kanun kakë bana ñuikin kakëxa, kakëxun ka ꞌapun anua kuanun kixun kamiakëxa, kamikëx kuani ka, Absalón ꞌapu ꞌikë a ꞌurama ꞌoíshi aín bëmánanën me tikai tsóbuakëxa. Usai ꞌia ka ꞌapun bëtsuku kakin ꞌikúkin biakëxa.

2 Samuel 19:38

Kakëxun ka ꞌapun kakëxa: —ꞌËbë ka Quimham ax kuanti ꞌikën, ꞌën kana minmi ꞌë usakin ꞌaxúnun kakësabiokin a ꞌaxúnti ꞌain. ꞌAxuanan kana a minmi ꞌë ñukákë ñukama a ꞌinánti ꞌain.

2 Samuel 6:18

usokin ñuina xarokin sënë́ontankëxun ka Davidnën kamabi Israel unikama ësokin kakëxa, kamabi mitsun ꞌakë ñukamax ka Nukën ꞌIbu Dios kamabi kushiñuira an ꞌakinkëx upí ꞌiti ꞌikën,

2 Samuel 6:20

Usai kuankantámainun ka David aín xubunu aín xanu isi kuankëxa; kuankin aín xubunu nukúkin iskëxbi ka aín xanu Mical Saúlnën ꞌini bëchikë, ax kuania isbëtsini ukin kakëxa: —¡Bërí kamina mix Israelkaman ꞌapu ꞌaíshbi usai ꞌiax asábi bërúan, min kamina an ꞌë ñu ꞌaxunkë xanukaman ka isia kixun sinanimaishi uni nishkë ꞌikësaira rabinima usai ꞌian!

1 Reyes 19:20

Usakia ꞌakëxunshi ka Eliseonën bënë́kinshi aín vaca bënëkama ëbiani, a kaxu abákiani kuanxun nukúkinshi Elías kakëxa: —Mibë kuanuxun ꞌën papakëñun ꞌën tita anu kana kuani kixun kakin bëtsuku katamainun kamina ꞌë kaínti ꞌain. —Asabi ka kamina kuanti ꞌai —kixun ka Elíasnën kakëxa—, ꞌaínbi kamina añu karana ꞌën mibëtan ꞌa kixun sinánti ꞌain.

Números 24:25

Ësai ki sënë́ntankëxa Balaam aín xubunu kuantamainun ka. Balac axribi aín xubunu kuankëxa.

Lucas 2:34

Sináncasmaiabi ca Simeónën acama Nucën Papa Dios ñucáxuntancëxun Jesusan tita, María, cacëxa: —Ënë tuá cania aín bana cuaisama tani ca ꞌitsaira Israel uni Nucën Papa Diosbë upíma ꞌiti ꞌicën. Usai ꞌicëbëbi ca ꞌitsa uníxribi aín bana cuati abë upíira ꞌiti ꞌicën. Uisai cara Nucën Papa Dios cuëënia quixuan unicaman ꞌunánun xucë ꞌaínbi ca ꞌitsa unix aín bana cuati cuëënima a ñui ꞌatimati banati ꞌicën.

Hechos 20:37

Banai sënënia ca —ꞌë camina istëcënuxunma ꞌai —quia oi camáxbi masá nuituti abë ꞌicúcanani bëunan mëscúquin bërúanxa cuanun caquin manë nuntinu ꞌirumiquin Pablo buáncëxa.

1 Tesalonicenses 5:26

Jesucristo cupí mitsun nuitu upí ꞌixun camina axa Jesucristomi catamëcë unicama bërúanxa ꞌinun cati ꞌain.

Rut 1:14

Usokin kakëx ka atux amiribishi intëkëankëxa. Usai ꞌitankëxun ka Orfánën ꞌëx kana ꞌën xubunubi kuantëkëni kixun kakin aín ñe achúshi okin bëtsuku kabiani kuankëxa, ꞌaínbi ka Rut axëshi aín ñebë bërúakëxa.

1 Samuel 24:22

Usakian kakëxun ka Davidnën Saúl sinántëkëntima okin mëníokëxa. Usakin ꞌakëx ka Saúl aín xubunu kuantamainun David aín suntárukamabëbi anuaxa ukë aín bashi kini anubi kuantëkëankëxa.