2 Samuel 19:37 - Kashibo-Kakataibo Biblia

³⁷ Usa ꞌain kana ꞌën mi kain, mix ꞌapu ꞌixun kamina ꞌën ëmanubi ñui kuantanun ꞌë xuti ꞌain, anuax ñuia ka ꞌën papakama anu maían anubi ꞌë mainkanti ꞌikën. ꞌAínbi ka ꞌapu ꞌikë an mi ñu mëëxunti bëtsi uni ënu ꞌikën: ax ka ꞌën bëchikë Quimham ꞌikën, usa ꞌain kamina mix ꞌapu ꞌixun uanxun ꞌë min ꞌaxuansaribi okin mix kuëënkësabi okin ñu min a ꞌaxúnun ꞌamiti ꞌain.

2 Samuel 19:37 ပူးပေါင်းရင်းမြစ်များ

Génesis 47:30

Usa ꞌain kamina ꞌën aintsikama ꞌiásaribiti ñuia kamina Egipto me ënu maínti sinánkima anua ꞌën chaitikama maínkë anuribi uanxun maínti ꞌai kixun ka kakëxa. Kakëxun ka Josénën —Asabika min sinánkësa okin kana ꞌati ꞌain —kixun kakëxa.

Génesis 48:21

Usakin katankëx sënë́nkin ka José kakëxa: —Ka kuat, ꞌëx kana ñuti ꞌurama ꞌain; usa ꞌaínbi ka Nukën ꞌIbu Dios ax mitsubë ꞌixun ka amiribishi min chaitiokëkama anu tsóa me anubi mi buántëkënti ꞌikën.

Génesis 50:13

usakin ꞌatankëxun ka Canaán kakë me anua ꞌikë Macpelá kakë me anua ꞌikë kini, Abrahamnën Efrón kakë uni hitita ainan ꞌikëbi anu aín aintsikama ñuia maínti marua anu maíankëxa. A me ꞌimainun a kinix ka Mamré kakë me amiaxa bari urukë au ꞌiakëxa.

2 Samuel 19:36

Usa ꞌain kana Jordán baka shítatishi mibë kuanti ꞌain, ¿usa ꞌaínbi kaina mix ꞌapu ꞌixun min ñu ꞌinainshikatsi kixun ꞌë kain?

2 Samuel 19:38

Kakëxun ka ꞌapun kakëxa: —ꞌËbë ka Quimham ax kuanti ꞌikën, ꞌën kana minmi ꞌë usakin ꞌaxúnun kakësabiokin a ꞌaxúnti ꞌain. ꞌAxuanan kana a minmi ꞌë ñukákë ñukama a ꞌinánti ꞌain.

2 Samuel 19:40

Kuantamainun ka ꞌapu David Guigal kakë anu Quimham a ꞌimainun Judánu ꞌikë aín suntárukamabë kuani, Israel unikaman suntárukama raíribë kuankëxa.

1 Reyes 2:7

ꞌImainun kamina Barzilainën, bakë bëchikëkama Galaad menua bukukë akamabëshi, nuibanani tsókin atu kuëntankëxun min xubunuxun pikinti ꞌain, a unikaman ka ꞌë min xukë́n Absalónnën ꞌati rabanan ami rakuë́ti abatiabi ꞌë ꞌakiankëxa.

2 Timoteo 4:6

Nucën Papa Dios cuëënminuxun cana aín ñu mëëti ꞌan. Usa ꞌain ca ꞌën bamati nëtë ꞌurama ꞌicën.