2 Samuel 19:27 - Kashibo-Kakataibo Biblia

²⁷ ꞌAínbi ka usakin ꞌaxumabi, mi paránkin ꞌëx isana ꞌapu ꞌisatani kixun mi kakëxa. Usa ꞌaínbi kamina mix ꞌapu ꞌaish Diosan ángelsa ꞌixun, uisakin kaina ꞌaisa tani usakin ꞌati ꞌain.

2 Samuel 19:27 ပူးပေါင်းရင်းမြစ်များ

2 Samuel 16:3

—¿Uinu kara Saúlnën xuta ax bërúax? —Kixun ka ꞌapun ñukákëxa. —Ñukákëxun ka ax ka Jerusalénnu bëruaxa —kixun Sibánën kakëxa—, an ka Israel unikaman ꞌain xuta Saúl ꞌasa okin ꞌapu ꞌimitisa sinánkëxa.

2 Samuel 16:4

—Asabi ka —kixun ka ꞌapun kakëxa—, usa ꞌain kana an usakin sinánkëbëtan mi Mefi-bóset aín me ꞌia kamabi mi ꞌinánti ꞌain. —¡Usa ꞌain kana bërími ꞌakësokinbi ꞌë ꞌapu ꞌixun ꞌakinti kuëënin! —kixun kai ka Sibá ami ñanati ꞌapumi ꞌiakëxa.

2 Samuel 19:17

Kuankëbë ka Simí a nuibiani Benjamínën rëbúnki mil uni abë kuankëxa. Kuankëbë ka Sibá an ñu mëëxunkë Saúlnën aintsi axribi aín quince bakë bëchikëkama ꞌimainun an ñu mëëxunkë veinte unikama abë kuankëxa, kuanx ka ꞌapu David uisa ꞌaímabi atux pain Jordán kakë baka ꞌikë anu bëbakëxa,

2 Samuel 9:13

ꞌAínbi ka Mefi-bóset ax amorabë́bi ꞌain taë ꞌatimakë ꞌaish Jerusalén ëmanu tsóakëxa, usa ꞌixun ka ꞌapun xubunuxun pi anubi ꞌiakëxa.

2 Samuel 9:3

Kakëxun ka ꞌapun ñukákin kakëxa: —¿Anu kara Saúlnën aintsi ꞌën nuibakin Diosan anën ñu ꞌaxúntisa ꞌitima ꞌik? Kakëxun ka Sibánën kakëxa: —Anu ka Jonatánnën bëchikë achúshi aín taë amorabë́bi ꞌatimakë ꞌaish nikëma ax ꞌikën.

Salmos 15:3

ꞌianan ka uix kara bëtsi ñui ꞌatimai bananan; an ꞌunánkë uni ꞌatima oti sinanx banaima ꞌianan; a rapasu ꞌikë uni ꞌakëxumabi a kuami ꞌatima oti sinanx banaima ꞌimainun;

Éxodo 20:16

Mibë ꞌikë unimi kamina ami këmëi banatima ꞌain.