2 Samuel 19:24 - Kashibo-Kakataibo Biblia

²⁴ Usakin ꞌaxun ka Mefi-bóset kakë uni Saúlnën xuta aribi aia biakëxa. A nëtëan ꞌapu David Jerusalénnuax abati kuankë a nëtëkaman ka nitsibi uisaibi ꞌikëma asábi utëkëni, aín taë chukaima ꞌianan nashimabi ꞌiakëxa, usai ꞌianan ka aín kuëni kuëtërëkianan, ain chupabi chukaxun pañuima David ꞌikë ñu a sinanima ꞌiakëxa.

2 Samuel 19:24 ပူးပေါင်းရင်းမြစ်များ

2 Samuel 12:20

Usakian kakëx ratuti ka anua rakákë menuax, nirutankëx nashixun aín chupa pañutankëx David ro sanuira anun ꞌiakëxa, usai ro sanuiran ꞌitankëx ka anua abë banati ꞌakë xubunu Dios rabi atsíankëxa. Atsíanx anuax chikíkiani aín xubunu kuanxun ka anuxun, pananxun piti an ñu ꞌaxunkëkama ñukákëxa, ñukákëxuan ꞌinánkëxun ka piti piakëxa.

2 Samuel 15:30

Usai kuantamainun ka David aín bashi Olivos kakë mapërakëti; ain taxaka ëchiax taëinshi kuani ꞌitsaira masánuituti nitë́xëkiani kuani chupan matëkërëkiax kuankëxa. Usaia ꞌikëbë ka abë kuankë unikama atúxribi ꞌain maxkánu chupan matëkërë kiax kuani atúxribi inkiani kuankankëxa.

2 Samuel 16:3

—¿Uinu kara Saúlnën xuta ax bërúax? —Kixun ka ꞌapun ñukákëxa. —Ñukákëxun ka ax ka Jerusalénnu bëruaxa —kixun Sibánën kakëxa—, an ka Israel unikaman ꞌain xuta Saúl ꞌasa okin ꞌapu ꞌimitisa sinánkëxa.

2 Samuel 9:11

an ꞌapu kakëxa: —Kamabi min kakë ñukama ka an mi ñu mëëxunti uni ënën ꞌati ꞌikën. Usa ꞌain ka Mefi-bósetnën Davidtan bëchikësa ꞌixun ꞌapun xubunuxunbi pi anubi ꞌiakëxa.

1 Reyes 2:8

ꞌIanan kamina, anu kara Simí kakë uni Guerá aín bakë bëchikë Benjamín aín rëbúnkinën ñaká axa Bahurim ëmanu tsókë a ꞌikë kixun kuati ꞌain. An ka ꞌëx anun Mahanaim kakë ëmanu kuanti nëtën kuaniabi ꞌaisamaira banakin ꞌë ꞌichábiankin ñukákëxa. Usokin ꞌaxunbi ka Jordán kakë baka anu kuania aín ꞌapu ꞌakësokin ꞌë upíokin biakëxa, usokëxun kana Diosan anën ꞌën kana mi ꞌatima ꞌai kixun kakën.

Éxodo 19:10

kakëxun ka Nukën ꞌIbun Moisés kakëxa: —Anu kuanxun kamina Israel unikama ꞌë rabinuxa bërí ꞌianan imë́ishi mëníokanun kai kuanti ꞌain. Kanan kamina atun chupa upíokin chukanun kati ꞌain,

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

Hebreos 13:3

Mitsúxribi atubë sipuacë ꞌaish tëmëracësa ꞌixun camina axa Jesucristonan cupí sipuacë unicama manuquinma a sinánquin ꞌaquinti ꞌain. Mitsúxribi usaribi uni ꞌixun camina —usaribi oquin ca unin ꞌë ꞌati ꞌicë —quixun sinánquin unían bëtsi bëtsi ocë uni a ꞌaquinti ꞌain.