2 Samuel 19:20 - Kashibo-Kakataibo Biblia

²⁰ ꞌënbi kana ꞌatimokin kana usakin ñu ꞌakë kixun ꞌunani, usa ꞌain ka kamabi Josénën rëbúnkikama bërí kana ꞌëx irapain mix ꞌapu ꞌikë aia mi bitsi uan.

2 Samuel 19:20 ပူးပေါင်းရင်းမြစ်များ

Génesis 48:14

ꞌAínbi ka Jacobnën ami mëshpakin aín mëkën rabë́ mëkeu ꞌikë a Efraínën maxkánu nankin upíokin sinánxunkin axa ꞌanáka ꞌaínbi, nankinshi ka Manasésnën maxkánuribi aín mëkën mëmiu axa aín apan aín nankëxa.

Génesis 48:20

A nëtënbi ka Jacobnën ësokin kakin upíokin sinánxuankëxa: —Israelkaman ka mitsun anë upíokin sinánxunkin bëtsi kati ꞌikën, Nukën ꞌIbu Diosan ka Efraín ꞌimainun Manasés ꞌasaribiokin mi ꞌati ꞌikën, ësokin ꞌakin ka Jacobnën Efraín aín apansa ꞌimianan Manasés aín ꞌanákasa ꞌimiakëxa.

2 Samuel 16:5

Usa ꞌain ka ꞌapu Bahurim kakë ëma anu bëbakëxa, bëbakëbi ka anuax Saúlnën aintsi achúshi chikíakëxa. Ax ka Guerar kakë unin bakë bëchikë Simí kakin anëkë ꞌiakëxa, an ka kuania ami nishkin ꞌichakin,

2 Samuel 19:21

Ësokin kaia kuati ka Abisai Sarvian tuá ax kiakëxa: —¿Uisa ꞌaish kara Simí ax ꞌatimokin ꞌichakin Diosan kaískë ꞌikëbi ꞌapu ká ꞌaish bamakë ꞌitima ꞌik?

2 Samuel 19:9

Usa ꞌain ka kamabi ñakánu ꞌikë Israel unikama atux kuëbikanani kikankëxa: “ꞌApu David an ka numi nishkia filisteo unikaman ꞌatimoiabi nu ꞌakinkin ië́miakëxa; usa ꞌaínbi ka Absalónnëxa ami nishkëx ënë menuax chikíakëxa.

1 Reyes 12:20

Usokëbë amiribishi abati Jerusalénnu kuantëkënkë kuankin ka Israel unikama Jeroboam kamabi uni timë́xun anua unun kixun kamiakëxa, kamikëx uax bëbakë ka atu achúshinën, mix kamina Israel unikaman ꞌapu ꞌiti ꞌai kixun kakëxa. Usakin anëkëbëbi ka Judánu ꞌikë unikama atux kuëënima Davidtan rëbúnkin achúshi ꞌapu ꞌiti kuëëankëxa.

1 Reyes 12:25

Jeroboam an ka Siquem kakë ëma ꞌamitëkëankëxa, ꞌamitankëx ka Efraínnën ñakánu ꞌikë unikama anu tsókë, aín bashi anu tsóti bërúakëxa. Anuxun ka Penuel kakë ëma aribi ꞌamitëkëankëxa.

Oseas 5:15

Usakin ꞌatankëx kana anu ꞌëx ꞌikë anu, atunbia sinanakin kana ꞌucha kixun ꞌë baritamainun kuanti ꞌain. Tëmërai bënë́kin ka atun ꞌë bariti ꞌikën.”

Oseas 5:3

ꞌËn kana Efraín ꞌunán; usa ꞌain kana uisai kara Israel ꞌia a ꞌën ꞌunán. Efraín ax ka aín nami bëtsi bëtsi uni ꞌakë xanusa ꞌikën; usa ꞌixun ka Israel unikama ꞌitsaira ñu ꞌatima ꞌakin ꞌuchamiaxa.”