2 Samuel 19:19 - Kashibo-Kakataibo Biblia

¹⁹ Simín kakëxa: —ꞌËn kana mi ësokin kain, ꞌë kamina uisabi otima ꞌain, ꞌën kana mi ꞌatima banan kakën an mi ñu mëëxunti uni ꞌixunbi kana a nëtën mi Jerusalénnuax chikíkiani kuankin mi ká bana a kamina sinántima ꞌain. ꞌImainun kamina ꞌë istisama tani ꞌëmi nishtima ꞌain,

2 Samuel 19:19 ပူးပေါင်းရင်းမြစ်များ

2 Samuel 19:18

bëbai ka baka sikakiani Davidtan aintsikama baka sikatia ꞌakini kuankëxa, usakin ꞌax isa abë upí ꞌiti ꞌikë kixun sinánbiani kuankëxa, Kuankëbëa David Jordán kakë baka shitánux ꞌikëbëbi ka a bëtánain ami ñanati ꞌikin,

Salmos 32:2

Chuámarua ka uni ꞌatima ñu ꞌati sinánkëma ax ꞌikën, usa ꞌikë ka Nukën ꞌIbun a ꞌatimokin isima.

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Mateo 27:4

ꞌInánquin ca cacëxa: —ꞌËn cana ñancánbi ꞌuchañuma ꞌicëbi a uni mitsu ꞌinan. Usa ꞌaish cana ꞌëx ꞌuchañuira ꞌain. Cacëxunbi ca cacancëxa: —A ñu cananuna nun ꞌunaniman. Ax ca min ꞌuchabi ꞌicën, minbi camina mëníoti ꞌain.

2 Corintios 5:19

Ënëx ca ësa ꞌicën: Nucën Papa Diosan ca Cristo cupía camabi uni abë upí ꞌinun mëníocëxa. Mëníonan ca atun ñu ꞌatima ꞌacëcama a sinántëcënuxunma tërë́nxuanan, nun aín bana anun unicama abë upí ꞌinun ñuixunun nu cacëxa.