2 Samuel 19:18 - Kashibo-Kakataibo Biblia

¹⁸ bëbai ka baka sikakiani Davidtan aintsikama baka sikatia ꞌakini kuankëxa, usakin ꞌax isa abë upí ꞌiti ꞌikë kixun sinánbiani kuankëxa, Kuankëbëa David Jordán kakë baka shitánux ꞌikëbëbi ka a bëtánain ami ñanati ꞌikin,

2 Samuel 19:18 ပူးပေါင်းရင်းမြစ်များ

2 Samuel 19:17

Kuankëbë ka Simí a nuibiani Benjamínën rëbúnki mil uni abë kuankëxa. Kuankëbë ka Sibá an ñu mëëxunkë Saúlnën aintsi axribi aín quince bakë bëchikëkama ꞌimainun an ñu mëëxunkë veinte unikama abë kuankëxa, kuanx ka ꞌapu David uisa ꞌaímabi atux pain Jordán kakë baka ꞌikë anu bëbakëxa,

2 Samuel 19:19

Simín kakëxa: —ꞌËn kana mi ësokin kain, ꞌë kamina uisabi otima ꞌain, ꞌën kana mi ꞌatima banan kakën an mi ñu mëëxunti uni ꞌixunbi kana a nëtën mi Jerusalénnuax chikíkiani kuankin mi ká bana a kamina sinántima ꞌain. ꞌImainun kamina ꞌë istisama tani ꞌëmi nishtima ꞌain,

2 Samuel 19:30

Kakëxunbi ka Mefi-bósetnën kakëxa: —An ka ꞌën xuta Saúlnën me ꞌia a kamabi biti ꞌikën. ꞌAínbi ka ꞌën iskëx mixmi uisaibi ꞌima upí utëkëanx min ꞌapun xubunu amiribishi ꞌapu ꞌitëkëni ukë ax kuni asábi ꞌikën.

2 Samuel 9:10

Usa ꞌain kamina min bakë bëchikë bëbukama ꞌimainun an mi ñu mëëxunkë unikamabëtan aín menu ñu ꞌapákëxa bimia bitankëxun bukunxunti ꞌain, usakin ꞌaxunkëx ka a piti ꞌain aintsikaman ꞌiti ꞌikën, ꞌaínbi ka Mefi-bóset aín xuta ꞌën xubunuxunbi pi ꞌinuxun ꞌaia. Kakëxun ka Sibá quince bëchikëñu ꞌimainun veinte uni an ñu mëëxunkëñu,

2 Samuel 9:2

Kia ka bëtsi unin kakëxa, anu ka an mi ñu mëëxunti uni achúshi Saúlnën aintsi Sibá kakë ꞌikën, kakëxun ka anu ꞌikënua unun Davidnën kamiakëxa. Kamikëxa aia ka Sibá kakë a ꞌapun ñukákëxa: —¿Mix karamina Sibá kakë uni a ꞌain? —ꞌËx kana an mi ñu ꞌaxúnti a ꞌain —kixun ka kakëxa.

1 Reyes 2:8

ꞌIanan kamina, anu kara Simí kakë uni Guerá aín bakë bëchikë Benjamín aín rëbúnkinën ñaká axa Bahurim ëmanu tsókë a ꞌikë kixun kuati ꞌain. An ka ꞌëx anun Mahanaim kakë ëmanu kuanti nëtën kuaniabi ꞌaisamaira banakin ꞌë ꞌichábiankin ñukákëxa. Usokin ꞌaxunbi ka Jordán kakë baka anu kuania aín ꞌapu ꞌakësokin ꞌë upíokin biakëxa, usokëxun kana Diosan anën ꞌën kana mi ꞌatima ꞌai kixun kakën.

Salmos 66:3

Rabikin kamina Dios kati ꞌain: ¡Min unio ñukamax ka upíirabu ꞌikën. Mix kushiira ꞌixun kamina, axa mimi nishkë unikama rakuë́tia menu nipakëkësa ꞌitánun ꞌimin;

Apocalipsis 3:9

Usa ꞌain cana ñunshin ꞌatimanën ꞌapun sinánmicë unicama axa, ꞌëx cana asérabi judío uni ꞌai quibi cëmëi ꞌëmi sináncëma unicama a mitsun bana cuatia mitsumi sinánun ꞌimiti ꞌain. ꞌImicëxun ca ꞌunánti ꞌicën, ꞌën cana asérabi mitsu nuibati quixun.