2 Samuel 19:13 - Kashibo-Kakataibo Biblia

¹³ Kanan ka Amasá aribi ësokin katánun kakëxa: “Mix kamina ꞌën ꞌaintsi ꞌIbu ꞌain, usa ꞌaish kamina bërí ꞌën suntárukaman kushi ꞌiti ꞌain, mix ꞌimainun ka Joab ax chikíkë ꞌiti ꞌikë kixun ka kamiakëxa. ꞌËn mi kakësokin ꞌaiama ka Diosan uisakin kara ꞌaisa tania usakin ꞌë ꞌatimoti ꞌikën.”

2 Samuel 19:13 ပူးပေါင်းရင်းမြစ်များ

Génesis 29:14

Usakin ñuixuntankëxa sënënia ka Labánnëribi unánmikin kakëxa: Mix kamina asérabi ꞌën aintsi ꞌibu ꞌain, usa ꞌaish kamina ꞌën imibi ꞌain. Usa ꞌain ka Jacob ax aín kuku Labánën ꞌikënu achúshi ꞌuxë ꞌi bërúakëxa.

2 Samuel 17:25

Absalónnën ka Amasá axa suntárukaman kushi ꞌinun anëkë ꞌiakëxa, Joab kakë uni a chikíanan. Amasá ax ka achúshi ismaelita uni Itrá aín bakë bëchikë ꞌiakëxa, ax ka Abigail Joab aín titan xukën abë birakakë ꞌiakëxa, Abigail ax ka Nahasnën xanu tuá ꞌimainun Seruiánën chirabakë xanu ꞌiakëxa.

2 Samuel 18:11

Kakëxun ka Joadnën kakëxa: —¿Uisa ꞌixun kaina usai manan bamax bëntamëkë iskinbi anuashi ꞌakëma ꞌain? Minmi mërakin anuabi ꞌabëtsinkë ꞌikë kana ꞌën mi ꞌitsaira kuëënkin mapai rabë́ kuríki manë ꞌakë ꞌinánan anua suntárunën kushikama tsitëkërë kikë cintura ami ꞌinántsian.

2 Samuel 5:1

Usakin ꞌakë basikëbë ka kamabi Israel unibu aín ñakánu ñakánu ꞌikë akaman Hebrón ëmanu, kuanxun abë banakin David kakëxa: “Nukamax kananuna min aintsi ꞌibu ꞌain.

1 Reyes 19:2

Usakian ñuixunkëxun kuatankëxun ka Jezabelnën achúshi uni an Elías ësokin kaxuntanun kixun xuakëxa: “¡Mix kamina Elías ꞌain ꞌëx kana Jezabel ꞌain! Min kamina an Baalnu ꞌikë an bana ñuikë unikama rëtëmian, usa ꞌain ka dioskaman, imë́ishi ënë horanbi ka an Baalnën bana ñuikë unikama ꞌamikësaribi okin ꞌaiama ꞌë tëmëramiti ꞌikë kixun ka kamiakëxa.”

Rut 1:17

ꞌAnan ka uinu kara mi ñuia mainia anuribi ñuia ꞌë maínti ꞌikën. ¡Usa ꞌain ka Nukën ꞌIbun mibë ënanankiani kuania ñukëma pain ꞌikë ꞌaisamaira okin ꞌë tëmëramiti ꞌikën!