2 Samuel 19:10 - Kashibo-Kakataibo Biblia

¹⁰ Absalón nun ꞌapu ꞌitinu anëkë ax ka ꞌakanankënuax bamaxa. ¿Usa ꞌain karanuna ui kainkin David nun ꞌapun ꞌinun ꞌimitima ꞌain?”

2 Samuel 19:10 ပူးပေါင်းရင်းမြစ်များ

2 Samuel 15:14

Ësokin kakëxun ka Davidtan abëa Jerusalénnu ꞌikë ꞌain suntárunën kushikama kakëxa: —¡Ënuax kananuna bërí kuanti ꞌain! ¡Absalón nu ꞌai ukëma ꞌaínshi kananuna ënuax kuanti ꞌain! ¡Usa ꞌain kananuna bënë kuatsini aí bëbakin nu ꞌakiantuma kamabi unikama ëmanu ꞌikë kamakëñunbi atun manë xëtokën nu ꞌaia usa ꞌain kuanti ꞌain!

2 Samuel 15:16

Ësokin atu katankëx abëa ꞌain xubunu ꞌikë unikamabë chikiti kuankin ka ꞌapun an ñu mëëxunkë mapai rabë́ xanukama ax anu ꞌikë xubua bërúanun ëbiankëxa.

2 Samuel 18:14

—Ësakin kakëxun ka usama ka mibë kana ñankabi ësai banai —kixun Joadnën kakëxa; kakin rabë́ ꞌimainun achúshi pia chukúma anun mëkënan tuíanx ꞌakánanti ꞌakë a bibiani anu kuanxun ka i pëñanu bë́ëkë mërakin anun Joabnën bamakëma ꞌikëbi shitúkakin Absalón tarókëxa.

2 Samuel 19:11

Ësai Israel unikama kikankë ënë bana ka ñuikania aín xubunuxunbi Davidtan kuakëxa. Usa ꞌain ka uni sacerdote Sadoc ꞌimainun Abiatar ësokin atu katánun kixun kakëxa: “Mitsun kamina anu kuanxun Judánu ꞌikë unikama aín kushikama abë banakin ñukáti ꞌain, uisa kupí kara ꞌë ꞌapu ꞌimitisa tanibi ꞌitsaira basia kixun kamina atu ñukati ꞌain;

2 Samuel 19:40

Kuantamainun ka ꞌapu David Guigal kakë anu Quimham a ꞌimainun Judánu ꞌikë aín suntárukamabë kuani, Israel unikaman suntárukama raíribë kuankëxa.

2 Samuel 19:9

Usa ꞌain ka kamabi ñakánu ꞌikë Israel unikama atux kuëbikanani kikankëxa: “ꞌApu David an ka numi nishkia filisteo unikaman ꞌatimoiabi nu ꞌakinkin ië́miakëxa; usa ꞌaínbi ka Absalónnëxa ami nishkëx ënë menuax chikíakëxa.