2 Samuel 18:33 - Kashibo-Kakataibo Biblia

³³ Ësokin kakëx ka ꞌapu ratuakëxa, ratúkiani ka xubu manámi kuaruax xëkuë manámi anua ꞌuxkë anu atsíanx anuax iankëxa. Usai masá nuituti ini kuain bëkini nitsi ka kiakëxa: “¡ꞌËn bakë bëchikë Absalón! ¡ꞌËn bakë bëchikë Absalón! ¡ꞌËn bakë bëchikë Absalónnëxma ꞌëx pain kana ꞌën bakë bëchikë Absalón ꞌinun ꞌëx pain ira bamati ꞌian! ¡ꞌËn bakë bëchikë ꞌibu Absalón ax ka ꞌën bakë bëchikë ꞌikën!” (Ësai ki ka iankëxa.)

2 Samuel 18:33 ပူးပေါင်းရင်းမြစ်များ

Génesis 21:11

Ësokian aín xanun kakësha ka Abrahamnën anun paëkin ꞌitsaira sinánkëxa, uisa kupín karana ꞌën bëchikë ꞌën xubunua chikínti ꞌai kixun ꞌitsaira masá sinánkëxa.

2 Samuel 19:1

Usaia ꞌapu David aín bëchikë Absalón rëtëkankë ñuikania kuati ka anun a banan ꞌitsaira masá sinani nitë́xëti inia, ka unikaman kuakëxa kuabiani anu rikianxun ka raíri unikaman Joab kakankëxa. Usakin ꞌakë ꞌain ka, a nëtën ꞌakanani kuanxa Absalón ñukë ꞌain, amia nishkë unikama kupitanuma ꞌabëtsini ukëbë kuëënti nëtë ꞌaínbi bamakë a sinani masá nuituti Davidtan suntárukamaxribi nitë́xëakëxa.

2 Samuel 19:4

Usa ꞌain ka chupan mapuax ꞌaisamaira masá sinani nitë́xëti, uínbi upí sinánmikin kaisama ꞌitánun ꞌapu David munuma banai rarumakëxa: Rarumati ka aín bakë bëchikënën anë ñui kiakëxa. “¡ꞌËn bakë bëchikë, ꞌibu Absalón! ¡ꞌËn bakë bëchikë ꞌibu Absalón!”

Salmos 103:13

Uikaman kara a nuibakin ax kikësabiokin ꞌaia, a unikama ka Diosan unían aín bakë bëchikëkama ꞌakësaribi okin nuibatia;

Éxodo 32:32

ꞌAínbi kana ꞌën atun ꞌuchami tërënxunun mi ñukáxuni uan; atun ꞌuchakë ¡tërëntisama tankin kamina ꞌë ꞌati ꞌain ꞌanan kamina ꞌën anë kirikanu kuënëokë aribi tërënti ꞌain!

Romanos 9:3

Usai ꞌiti ꞌaínbi atúxa Cristonan ꞌinun ꞌëx ainanma ꞌaish Nucën Papa Diosan uisa cara oti ꞌicë usoquin ꞌacë ꞌiisa cana tanin.

Santiago 5:17

Elías, an Nucën Papa Dios quicë bana unicama ñuixuncë uni, an ca nusaribi uni ꞌixunbi ꞌuía ꞌibuaxma ꞌinun Nucën Papa Dios ñucácëxa. Usa ꞌain ca an ñucácësabi oi rabë́ ꞌimainun achúshi baritia, ꞌimainun achúshi mëcën ꞌimainun achúshi ꞌuxën ꞌuí ꞌibuama ꞌicën.