2 Samuel 18:29 - Kashibo-Kakataibo Biblia

²⁹ Kixuan kakëxun ka. —¿Bëná uni Absalón ax kara asábi ꞌit? —Kixun ꞌapun ñukákëxa. Ñukákëxun ka Ahimaasnën ësokin kakëxa: —ꞌËn kana an mi ñu mëëxunkë Joab an xukëxun suntárukama ꞌitsaira sharati kia kuan, ꞌaínbi kana uisai ꞌi kara usai ꞌikania kixun iskëma ꞌai kixun ka këmëkin kakëxa.

2 Samuel 18:29 ပူးပေါင်းရင်းမြစ်များ

2 Samuel 18:22

Usai kuankëbëtan ka Ahimaasnën amiribishi Joab katëkëankëxa: —ꞌËxribi kana etíope uni kuankëbë a nuibiani abákiani a kaxú kuainsatanin. Ësakin kakëxun ka Joabnën katëkëankëxa: —¿Añu ꞌai kaina mixribi kuainsatani ꞌën bakë bëchikë mix kaina bana ñuixuntankëxun kananxun bikësa okin ñu binuxmabi kuanti ꞌain?

2 Samuel 18:30

Usa ꞌain ka ꞌapun usaía ꞌinun kixun kakëxa. Amo nirakëti kamina anubi niti ꞌain. Usakian kakëx ka Ahimaas Sadocnën bakë bëchikë ax usaibi ꞌiakëxa.

2 Samuel 18:32

Usakian kakëxun ka ꞌapun etíope uni a ñukákin kakëxa: —Anu kara uni bëna Absalón ax ꞌit. ¿Asábi kat? Ësakian ñukákëxun ka etíope unin kakëxa: —ꞌËx kana axa mix ꞌapu ꞌaínbi mibë ꞌakanankatsi ꞌikë unikama Diosan, atu ꞌatimokin uni bëna Absalón ax ꞌikësaribiti bamanun atu ꞌatima oti kuëënin.

2 Reyes 4:26

Kamina abákianxun bikin uisa kara ax ꞌikë ñukánan uisa kara aín tuá ꞌimainun aín bënë ꞌikë ñukákin biti ꞌain. Usakia kakëx abákiani kuanxun ka an ñu mëëxunkë uni an Eliseonën kakësabiokin bikin ñukákëxa, ñukákëxun ka xanun kamabi ka asábi ꞌikë kixun kakëxa.