2 Samuel 18:2 - Kashibo-Kakataibo Biblia

² Usokin anëtankëxun ka Davidnën rabë́ ꞌimainun achúshi ꞌinun timëkin aín suntárukama sëtënakëxa usakin ꞌaxun ka raíri xuakëxa, xuanan ka raíriribi rabë́ ꞌimainun achúshi okin tëakësa akamaribi Abisai Seruiánën tuá Joabnën xukënan uantanun xuakëxa, xuanan ka raíriribi Itai Gat kakë ëmanu ꞌikë an buántanun xuakëxa. Usakin ꞌaxun ka ësakin kamabi suntárukama kakëxa: —ꞌËxribi karana ꞌakanani kuanti ꞌain.

2 Samuel 18:2 ပူးပေါင်းရင်းမြစ်များ

2 Samuel 17:11

Usa ꞌain kamina ësokin mi kamainun kuati kamabi Israel suntárukama axa Dan kakë ëmanu ꞌikë ꞌimainun Beerseba kakë ëmanuaribi timë́këx ka ꞌaisamaira ꞌaish parúmpapa kuëbiküa masi bëru iskësaira ꞌiti ꞌikën, usa ꞌikë kamina minbi a unikama ꞌakanankin buánti ꞌain.

Jueces 7:16

Ësokin kakinshi ka trescientos aín suntárukama rabë́ ꞌimainun achúshi ꞌinun sëtë́nakin nitsinakëxa a kamabi atun carnero manchan ꞌinánan ka amia ꞌumpax nikinkë ñankáishi amia tiríoxun tsi buánkë aribi ꞌinánkëxa.

Jueces 7:19

Usakin atu kabiani ka Gedeón aín cien suntárukamabë kuanx anua abë ꞌakánanti unikama bukukë ꞌukëmanan anu bëbakëxa, bëbai ka anua abëa ꞌakánanti suntárukama atun pain bërúanëkë axa kuanmainun raírinëxribi bërúain uti hora ꞌurama imë́ naëx ꞌain ka Carnero manchan buánkë akama banonan amia ꞌumpax nikinkë ñankáishi akamaribi tukapakëxa,

1 Samuel 11:11

Usokin ꞌakë a pëkarakëbëtan ka Saúlnën ain suntárukama rabë́ ꞌimainun achúshi okin amo sëtënakëxa, usakin ꞌaxun ka pëkarakëma ꞌaínshi abë ꞌakanani ukë bëtsi unikama bëararatanun xuakëxa, xukëxun bëaraxun ka amonita suntárukama bari xamarutamainun ꞌaisamaira okin kupitanuma ꞌakëxa. Usokin ꞌakëx ka axa bamakëmakama ax uinu ꞌikë uníxbi rabëtax abátima achúshi achúshi unix anua ꞌikë anuax unë́kiani abati amami amami kuankëxa.