2 Samuel 18:14 - Kashibo-Kakataibo Biblia

¹⁴ —Ësakin kakëxun ka usama ka mibë kana ñankabi ësai banai —kixun Joadnën kakëxa; kakin rabë́ ꞌimainun achúshi pia chukúma anun mëkënan tuíanx ꞌakánanti ꞌakë a bibiani anu kuanxun ka i pëñanu bë́ëkë mërakin anun Joabnën bamakëma ꞌikëbi shitúkakin Absalón tarókëxa.

2 Samuel 18:14 ပူးပေါင်းရင်းမြစ်များ

2 Samuel 12:10

Usa ꞌixun kamina min ꞌën kakëxunbi ꞌën bana kuaisama tankin hitita uni Urías ꞌamixun aín xanu min xanu ꞌiti bian, usa ꞌain ka uínsarabi mix ñukëma pain ꞌain min bakë bëchikëkama atuxi ꞌatimati bukui upitax tsótima ꞌikën.

2 Samuel 14:30

Usai ꞌikëbëtan ka Absalónnën aín uni kakëxa: —Ka kuat, Joabnën ka ꞌën kakësokin ꞌaisama tania, usa ꞌain kamina aín naë ka ꞌën naë rapasubi anua cebada ꞌapákë ꞌikën; ¡usa ꞌain kamina anu kuantankëxun xarátanun tsi bimi kuanti ꞌain! Usokin Absalónnën kakëx kuanxun ka aín unin Joabnën cebada ꞌapákë mënútanun tsin bimiakëxa,

2 Samuel 18:15

Usakin ꞌaia ka aín suntárukama mapai rabë́ Joadnën uankë akaman tënankin Absalón ꞌakankëxa.

2 Samuel 18:5

Usakin ꞌanan ka ꞌapu Davidnën Joab Abisai ꞌimainun Itai akama usakian asérabi a nuibakin bëná uni Absalón a bërúanun kixun, kaia kamabi suntárunën kushikaman kuakë ꞌiakëxa.

2 Samuel 19:1

Usaia ꞌapu David aín bëchikë Absalón rëtëkankë ñuikania kuati ka anun a banan ꞌitsaira masá sinani nitë́xëti inia, ka unikaman kuakëxa kuabiani anu rikianxun ka raíri unikaman Joab kakankëxa. Usakin ꞌakë ꞌain ka, a nëtën ꞌakanani kuanxa Absalón ñukë ꞌain, amia nishkë unikama kupitanuma ꞌabëtsini ukëbë kuëënti nëtë ꞌaínbi bamakë a sinani masá nuituti Davidtan suntárukamaxribi nitë́xëakëxa.

2 Samuel 19:11

Ësai Israel unikama kikankë ënë bana ka ñuikania aín xubunuxunbi Davidtan kuakëxa. Usa ꞌain ka uni sacerdote Sadoc ꞌimainun Abiatar ësokin atu katánun kixun kakëxa: “Mitsun kamina anu kuanxun Judánu ꞌikë unikama aín kushikama abë banakin ñukáti ꞌain, uisa kupí kara ꞌë ꞌapu ꞌimitisa tanibi ꞌitsaira basia kixun kamina atu ñukati ꞌain;

Salmos 37:35

ꞌËn kana an ꞌatima ñuira ꞌakë unikamaxa, rabiakakë axa uni ꞌitsañu ꞌaish í pëi bunkuira iskë usai ꞌia isakën;

Mateo 12:40

Jonás ax ca bacanu ꞌicë ñuina cha aín pucunu rabë́ ꞌimainun achúshi nëtë, ꞌimainun rabë́ ꞌimainun achúshi imë́ribi ꞌiacëxa. Usaribiti cana uni ꞌinux Nucën Papa Diosnuax uá, ꞌëx rabë́ ꞌimainun achúshi nëtë, ꞌimainun rabë́ ꞌimainun achúshi imë́ matá quiniocë anu racáncë ꞌiti ꞌain.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.

Jueces 4:21

Usakin katankëx ka Sísara nibaiti atsanx tënëtisamaira tani ꞌaímai napëkëti ꞌuxakëxa. Usai ꞌuxan ka Jaelnën martillo achúshi ꞌimainun ami xubusokin chupa këxtú ꞌakë tëkërëkati nitsínti ꞌakë manë xëtokë a bibiani ñuitsima anua Sísara ꞌuxkë anu kuankëxa, kuanx nirakëkinshi ka manë xëtokë anun aín bëmánan pëánkabianxun memi takáshkakin ꞌakëxa. Usakin ꞌakëx ka Sísara ñuakëxa.

Jueces 5:26

ꞌInánkëxuan xëamainun ka mëkën mëmiunën ami chupasa okin ꞌakë tëkërëkati manë xëtokë a bianan aín mëkën mëkeu anun ñu matásti mamúokin manë ꞌakë a bixun anun Sísara aín bëmanamixun memibi takáshkakin matáskin ꞌaxa.

Jueces 5:31

¡Nukën ꞌIbu ꞌëx kana axa min unikamami nishkë unikama këñuti kuëënin, ꞌimainun ka an mi nuibakë unikamax upitax bukui barin urukin aín kushin pë́kabëtsinkësa usaribi ꞌiti ꞌikën!” Usai ꞌiaxa sënë́an ka cuarenta baritia ꞌimi a menuax ꞌakanantëkënima upitax buküakëxa.