2 Samuel 17:22 - Kashibo-Kakataibo Biblia

²² Usakian kakëx ka David abëa kuankë unikamabëbi kuantankëx bënëtishi a imë́bi Jordán baka sikarakëakëxa. Usai ꞌian ka a pëkarakëbë ax baka sikarakëti uni ꞌaíma ꞌiakëxa.

2 Samuel 17:22 ပူးပေါင်းရင်းမြစ်များ

2 Samuel 17:21

Rikian ka Ahimaas ꞌimainun Jonatán anua unëkë kini anuax bënëtishi chikíkiani kuanxun ꞌapu David kakëxa; ënuax bënëtishi min unikamabë kuantankëx kamina Jordán baka sikarakëti kuanti ꞌain, Ahitófelnën ka mi isa ꞌaxun rakanun kixun Absalón ꞌësëaxa.

2 Samuel 17:23

Usa ꞌain ka Ahitófelnëx an kakësa okían Absalónnën ꞌakëma ꞌain, aín burro bibiani anua tsókë ëma anu ꞌikë aín xubunu kuankëxa kuanx ka anuax aín aintsikamabë banakin uisai kara atux ꞌiti ꞌikë kixun kakëxa, usakin katankëx sënë́anx abi tëtsëkiax. Ñukë ka anua aín papa ñukë maínkan me anubi maínkankëxa.

2 Samuel 17:24

Absalón Israel unikamabë nuibiani kuani, Jordán baka sikarakëmainun ka David aín unikamabë kuantakëx achúshi ëma upiokin bëararakin kënëkë Mahanaim anu bëbakëxa.

Salmos 42:6

ꞌËn kana ꞌitsaira kana ꞌatima ꞌai kixun sinanin usa ꞌain kana añu ñubi ꞌaisama tanin. Usa ꞌain kana Jordán kakë baka anu ꞌikë me anuxun ꞌanan, Hermón kakë aín bashi ꞌimainun Misar anuxun mi ꞌitsaira sinani kuanti ꞌain.

Mateo 10:16

ꞌËn cana carnero ꞌinúan nëëcë nëbë́tsinu ꞌicësaribi ꞌinun mitsu xutin. Nëëquin ca ꞌinúanën carnero binuxun bëarati ꞌicën. Usaribi oquin ca axa mitsumi nishcë unin mitsu ꞌatimocatsi quixun sinánti ꞌicën. Usaquian sináncëbë camina bërúancati ꞌain, runu ꞌicësaribiti. Bërúancanan camina axa mitsumi nishcë uni ami nishi abë ꞌatimonantima ꞌain, numacuru ꞌicësaribiti.

Juan 18:9

Atúan bixun ꞌatimocëxun aín unicaman ami sinánti ënti rabanan ca Jesusan usoquin an biti unicama cacëxa, aín bana, “minmi ꞌë ꞌináncë unicama achúshinëxbi ca ꞌëmi sinánti ëncëma ꞌicën” quicësabi oía ꞌinun.