2 Samuel 17:2 - Kashibo-Kakataibo Biblia

² Bërí ka asábi ꞌikën, nibaitia atsánkë ꞌikëishi nukúkin ami ꞌikuainkëx, ratúkin ka abëa kuankë unikaman abákin ashi ënkanti ꞌikën, usakin ëbiania kananuna atu ꞌakima ꞌapu David ashi ꞌati ꞌain,

2 Samuel 17:2 ပူးပေါင်းရင်းမြစ်များ

2 Samuel 16:14

Pukían ꞌakëx kuanx ka ꞌapu ꞌimainun abëa kuankë unikama Jordán kakë baka kuëbí bëbakëxa, bëbax ka ꞌaisamaira kuanbaiti atsánkë ꞌaish anu tanti bukubukankëxa.

2 Samuel 17:1

Usa ꞌain ka Ahitófelnën Absalón kakëxa: —ꞌËn kana bërí doce mil uni timëbianxun atubëtan ënë imë́bi min papa David nuikuanti ꞌain.

1 Reyes 22:31

ꞌAínbi ka ꞌakananuxun Sirianu ꞌikë ꞌapun aín treinta y dos suntárunën kushi capitán axa aín caballonën nirinkë carretanu ikë atu kakëxa, ꞌakanankin suntárukama ꞌakinma Israel unikaman ꞌapu Ahab ꞌashi ꞌati ꞌain.

Nehemías 4:5

Usa ꞌain kamina atun ñu ꞌatima ꞌakëkama a tërënxunkin atun ꞌuchakëkama manutima ꞌain, atun ka anun ëma kënëara a ꞌatëkënkin mënionbi nu chichakin ñuia.”

Mateo 21:38

Xucëx cuanxa bëbaia isi ca an naë bërúancë unicamax canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Mateo 26:31

Anu cuantancëxun ca Jesusan aín ꞌunánmicë unicama cacëxa: —Unin ꞌë bicëbë camina mitsux racuëti abati tsuáquiti ꞌain, Nucën Papa Diosan bana cuënëo ësai quicësabi oi: “An carnero bërúancë uni ꞌën ꞌacëbë ca carnerocamax abati tsuáquiti ꞌicën”.

Juan 11:50

Nua unin bëtsi bëtsi oquin ancëcëxnu ꞌura ꞌicë nëtëcamanu cuani tsuáquiti ca ꞌaisama ꞌicën. Usai ꞌimanu nux upitax bucuti cupía uni achúshi bamati ca asábi ꞌiti ꞌicën. Usai ca ꞌiti ꞌicë quixun camina mitsun sinaniman.