2 Samuel 17:17 - Kashibo-Kakataibo Biblia

¹⁷ Usakin kakëx kuanx ka Jonatán ꞌimainun Ahimaas ax achúshi xëxá En-roguel kakë anu pain unikaman isma Jerusalénnu atsinia isia kixun sinani bërúakëxa, anuxun ka an ñu ꞌaxunkë xanu David kaxuntanun kixun xuakëxa, xukëx kuanxua kakëbëshi atúxribi bënëtishi anu kuanxun ka David bana ñuixuankëxa.

2 Samuel 17:17 ပူးပေါင်းရင်းမြစ်များ

2 Samuel 15:27

Ësokinribi ka ꞌapun sacerdote Sadoc kakëxa: —Mi ꞌimainun Abiatar mix kamina upitax min bakë bëchikë rabëbë Jerusalén ëmanu kuanti ꞌain. Kuankin kamina min bakë bëchikë Ahimaas a buánti ꞌain buámainun ka Abiatarnën ꞌain bakë bëchikë Jonatán aribi buánti ꞌikën.

2 Samuel 15:35

anu ka sacerdote Sadoc ꞌimainun Abiatar ꞌikë an ka uisai kara anuax ꞌia a ꞌë kati ꞌikën. Usa ꞌain kamina uisai kara ꞌapun xubunuax kikania kuatankëxun ꞌë kai uti ꞌain.

2 Samuel 15:36

Anu ka ain bakë bëchikë Ahimaas ꞌimainun Jonatánribi ꞌikën, usa ꞌain kamina uisai kara ꞌapun xubunuax kikania ꞌunánun ꞌë ribia kaminun atu kati ꞌain.

1 Reyes 1:42

Usai ꞌimainun ka sacerdote Abiatar aín bakë bëchikë Jonatán bëbakëxa. Bëbaia ka Adoníasnën kakëxa: —Ënu kamina atsínti ꞌain, mix kamina unin uisakinbi kakëma kushi uni ꞌain. Usa ꞌixun sapi kamina bana upí nu ñuixuni aí kixun ka kakëxa.

1 Reyes 1:9

Usa ꞌain ka achúshi nëtën Adoníasnën an ñu ꞌaxunkë unikama achúshi fiesta anuxun ꞌanua Zohélet kakë me anua mapara chaiirabu ꞌikë ꞌianan ꞌumpax upíira Roguel kakë a ꞌurama mëníoxunun kakëxa. Kakëxun mëníoxunkin ka a piti ñuinakama rëakëxa, oveja, vaca bënë ꞌimainun vaca bëná bërí kanikë aín upíirabu ꞌianan xumabu akama rëakëxa, rëxun ka aín xukë́nkama kamianan an ꞌain papa David ñu mëëxunkë Judánu ꞌikë unikama akamaribi kamiakëxa;