2 Samuel 17:14 - Kashibo-Kakataibo Biblia

¹⁴ Usai kia Absalón ꞌimainun kamabi Israel unikaman kuakëxbi ka Husainën atu sinánmikë ax asábira ꞌiakëxa. Ahitófelnëa atu sinánmikin kakë axa atun kuakëx asábiribi ꞌaínbi. Usai ka Diosan bërámabi Ahitófelnën kakësokin ꞌakantima kupí Davidnëa tëmaishi Absalón ꞌanun.

2 Samuel 17:14 ပူးပေါင်းရင်းမြစ်များ

Génesis 32:28

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

2 Samuel 15:31

Usa ꞌain ka inkiani kuaniabi David ñuixunkin kakëxa, Ahitófel an mi bana ñuixunkë aín kushi an ka usakinsa mi ꞌanun kixun Absalón ꞌësëkin kaia kixun, kakëxun ka Davidtan Ahitófel an usakinsa ꞌanun kaiabisa Absalónnën kakë bana kuamixuma ꞌanun kixun Dios ñukákëxa.

2 Samuel 15:34

usa ꞌain kamina mix amiribishi Jerusalénnu kuantankëxun Absalón kai kuanti ꞌain, an mi ñu mëëxunti ënën ka min papa ꞌaxunkësabi okin mi ñu mëëxunti ꞌikën, usakin kakëxun an mi ñu mëëxunti ꞌimikëxun kamina Ahitófelnën usakin kamina ꞌati ꞌain, kaiabi ka usakin ꞌatima ka, kixun min kati ꞌain,

2 Samuel 16:23

a nëtëkaman ka Ahitófelnën bana ñukákë ax Diosbë banakësa ꞌiakëxa. Ahitófel a pain ka David ꞌimainun Absalónnën añu kara ꞌaisatania a ꞌanuxun ñukákëxa.

Nehemías 4:15

Usai nu ꞌakatsikia kuati mëníokakë ꞌain ka axa numi nishkë unikamax asérabi ka nu Diosan atun ꞌakinia, usa ꞌain kananuna nun sinánkësokin ꞌatima ꞌai, atux kikëbëtan kananuna abi nun tëëti ënkinma ꞌakën.

Éxodo 9:16

usa ꞌaínbi kana ꞌën kushi ismiti kupín mi uisabi okëma ꞌain, kamabi menu ꞌikë unían ꞌëx kana usa kushiñu ꞌai kixun ꞌunánun.

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Amós 9:3

ꞌIanan kana aín bashi Carmelo kakë aín rëbu anu unë́ti sinánkëbi, ꞌënbi anua bari kuanti ꞌain; ꞌianan kana ꞌëmi unë́ti sinanx parúmpapa ꞌukëmëu kuankë ꞌikëbia, anu ꞌikë ñuinakan ꞌëo an masókin këñuanan ꞌatima oti xuti ꞌain;

Lucas 16:8

Usaquin ca an a ñu mëëxuncë unin ꞌaxa quixun ꞌunánquin ca an a uni ñu mëëmicë unin sinánxa: An ꞌë ñu mëëxuncë unin ca uisai cara curíquiñuma ꞌaíshbi ꞌiti ꞌicë quixun sinánxun ñu ꞌaquin ꞌë paránti sinánxa quixun. Ësaquin catancëxun ca Jesusan cacëxa: —An ënë menushi upitax bucuti sináncë unin ca aín cuëëncësari ꞌiti upí oquin ꞌunania, Nucën Papa Diosmi sináncë unían ꞌacësamaira oquin.

1 Corintios 3:19

Abia unin sináncë bana ax ca Nucën Papa Diosan iscëx ñancáishi ꞌicën. Nucën Papa Diosan bana aín unin cuënëo, ax ca ësai quia: “Ui unin cara bëtsi uni parania, a uni ca Nucën Papa Diosan ꞌamicëxun bëtsi unínribi usaribi oquin cupiti ꞌicën”.