2 Samuel 16:8 - Kashibo-Kakataibo Biblia

⁸ ¡Diosan ka mi tëmëramiti ꞌikën, min kamina Saúl ꞌimainun aín bëchikë bëbukama a chikimainun mixira ꞌapu ꞌikatsi kixun ax ꞌapu ꞌikëbi atu rëtëakën! ¡Usa ꞌain ka Diosan min bakë bëchikë Absalón mix chikimainun ax ꞌapu ꞌinun ꞌimiti ꞌikën, min uni ꞌakë kupínbi kamina usai ꞌin, usa ꞌaish kamina mix an uni ꞌakë ꞌain!

2 Samuel 16:8 ပူးပေါင်းရင်းမြစ်များ

2 Samuel 1:16

ꞌakëbë ka David kiakëxa: —Mix bamakë ënëx ka mixi kamina min ꞌucha chikínati ꞌënbi kana Diosan kaískë ꞌapu ꞌa kiax kikë a kupími bamakë ꞌikë kiakëxa.

2 Samuel 19:19

Simín kakëxa: —ꞌËn kana mi ësokin kain, ꞌë kamina uisabi otima ꞌain, ꞌën kana mi ꞌatima banan kakën an mi ñu mëëxunti uni ꞌixunbi kana a nëtën mi Jerusalénnuax chikíkiani kuankin mi ká bana a kamina sinántima ꞌain. ꞌImainun kamina ꞌë istisama tani ꞌëmi nishtima ꞌain,

2 Samuel 19:21

Ësokin kaia kuati ka Abisai Sarvian tuá ax kiakëxa: —¿Uisa ꞌaish kara Simí ax ꞌatimokin ꞌichakin Diosan kaískë ꞌikëbi ꞌapu ká ꞌaish bamakë ꞌitima ꞌik?

1 Reyes 2:8

ꞌIanan kamina, anu kara Simí kakë uni Guerá aín bakë bëchikë Benjamín aín rëbúnkinën ñaká axa Bahurim ëmanu tsókë a ꞌikë kixun kuati ꞌain. An ka ꞌëx anun Mahanaim kakë ëmanu kuanti nëtën kuaniabi ꞌaisamaira banakin ꞌë ꞌichábiankin ñukákëxa. Usokin ꞌaxunbi ka Jordán kakë baka anu kuania aín ꞌapu ꞌakësokin ꞌë upíokin biakëxa, usokëxun kana Diosan anën ꞌën kana mi ꞌatima ꞌai kixun kakën.

Apocalipsis 16:6

Minmi usoquin tëmëramicë unicama an ca min uni ꞌitsaira ꞌanan an mixmi quicë bana uni ñuixuncë uni ꞌitsaira bamamiaxa. Usaquian ꞌacë cupí camina a xëanun imi ꞌinan. Atun ꞌucha cupíbi ca usai ꞌia.