2 Samuel 16:21 - Kashibo-Kakataibo Biblia

²¹ Kakëxun ka Ahitófelnën Absalón kakëxa: —Min papa an ñu ꞌaxunkë xanu kamabë kamina aín nami ꞌai abë ꞌi ꞌuxti ꞌain, an ka anua ꞌikë ꞌapun xubu bërúanxunun atu ëbianxa. Usaími ꞌikë ka kamabi Israel unikaman kuati ꞌikën, min kamina min papa nishmikin usakin ñu ꞌa kixun, usa ꞌain ka an mi nuikë unikama an kuati kuëënti ꞌikën.

2 Samuel 16:21 ပူးပေါင်းရင်းမြစ်များ

Génesis 34:30

Usokin ꞌabiani kuania ka aín papa Jacobnën Simeón ꞌimainun Leví kakëxa: —Mitsun mi usa ñu ꞌakë kupín kana ꞌëx ꞌaisama bërútin. Bërí ka ënë menu tsókë unikamax ꞌëmi nishti ꞌikën, ax ka cananeo ꞌimainun ferezeos unikamax timë́ax kananxun nu ꞌakánti ꞌikën, nux kananuna ꞌitsamashi nun aintsikamabëbi ꞌain.

Génesis 35:22

Usai kuantankëx ka anu ꞌitsa baritia Israel tsóakëxa, usai anu tsókëbëbi ka achúshi nëtën Rubén anuax abë ꞌinuxun xanu bari kuankëxa kuanxunbi ka Bilhá mërax abë ꞌiakëxa, ax ka aín papa an ñu ꞌaxunkë xanu ꞌikëbi aín xanu ꞌiti raiokin bia ꞌiakëxa. Usai ꞌikë kuatankëx ka aín papa ꞌitsaira nishakëxa. Jacobnën bëchikëkama ka ꞌiakëxa mapai rabë́ ꞌimainun rabë́.

Génesis 38:16

Usai ꞌikë ukinbi mërai ka Judá anúan ukë bai a ëni amo nirakëti abë banakëxa, banakinbi ka ꞌunánma ꞌikën ax ka aín bëchikënën kasunankë xanu aín piaka a ꞌikë kixun ꞌunánima abë banakin ka kakëxa: —¿ꞌËbë kaina ꞌitima ꞌain? Kixuan kakëxun ka xanunribi ñukákin kakëxa: —¿Añu ñu kaina ꞌëbë ꞌinuxun min ꞌë ꞌinánti ꞌain? Ësokin ka xanunribi kakëxa.

Génesis 6:4

Usa ꞌain ka chaxkë́irabu ꞌimainun chaiirabu uni ënë menu mërakëxa, Diosan bëchikëkaman unin bëchikë xanukama ami bëchipati biakëxa, bixun ka ami bëchipakëxa. Bëchipakëx ka a unikamax asérabi rakuëma kushiirabu bërámabi nëtë ióñu ꞌiakëxa.

2 Samuel 12:11

Ësai kana ꞌëx Dios ira ꞌaish kin: ꞌËnbi kana min aintsi ꞌibunbia ꞌaisamaira okin masókin mi tëmëraminun ꞌamiti ꞌain, ꞌimainun kana min aintsi ꞌibunbia min xanu mi ëmikin binun ꞌamiti ꞌain ꞌanan kana, ëma xabanuxunbi aín nami ꞌanun ꞌinánti ꞌain usai ꞌiaka bëtsi menu tsókë unikaman kuati ꞌikën.

2 Samuel 15:16

Ësokin atu katankëx abëa ꞌain xubunu ꞌikë unikamabë chikiti kuankin ka ꞌapun an ñu mëëxunkë mapai rabë́ xanukama ax anu ꞌikë xubua bërúanun ëbiankëxa.

2 Samuel 16:20

Usa ꞌain ka Absalónnën Ahitófel ñukákëxa: —¿Añu ꞌanun kaina mikaman nukama kati ꞌain?

2 Samuel 17:7

Usakian ñukákëxun ka Husainën Absalón kakëxa: —Bëria Ahitófelnën mi sinánxun kakë bana ax ka upíma ꞌikën.

2 Samuel 2:7

Usa ꞌain kamina kushi okin sinani nirukanti ꞌain, mitsun ꞌibu Saúl ñukë ꞌain ka Judá menu tsókë unikaman atun ꞌapu ꞌinun ꞌë anëaxa usa ꞌain.”

1 Corintios 5:1

ꞌËn cana ësoquian chanioia cuan, micama achúshinëx ismina min papan xanubë ꞌin. Usai ꞌiti ca ꞌaisama ꞌicën. An Nucën Papa Diosan bana ꞌunáncëma uníxbi ca usai ꞌima.

1 Samuel 13:4

Usa ꞌain ka Saúlnën bakë bëchikë Jonatán an filisteo suntárukama usakin këñukin ꞌakë a kamabi israel unikaman kuakëxa, usakin ꞌan ka filisteokamax israel unikama istisama tani ami nishakëxa, usa ꞌain ka israel suntárukama Guilgal kakë anu Saúlbë timë́akëxa.