2 Samuel 16:2 - Kashibo-Kakataibo Biblia

² Buania mërakin ka ꞌapun ñukákëxa: —¿Uisoti kara minmi bëkë ñukama ënëx ꞌik? Kixun ñukákëxun ka Sibánën kakëxa: —Burrokama ënëx ka anúan ꞌapu min xanu min bakë bëchikëkamax kuanti ꞌikën; ꞌianan ka pán ꞌimainun ñu bimi pëkë́këkama ënëx ka min suntárukaman piti ꞌikë, ꞌimainun ka ñuina xakánu bëkë uvas baka ënëx uix kara anu uni ꞌikëma menuax shimaia an xëati bëkë ꞌikën.

2 Samuel 16:2 ပူးပေါင်းရင်းမြစ်များ

Génesis 21:29

usakin ꞌaia iskin ka Abimélecnën ñukákëxa: —¿Uisoti karamina min mapai achúshi ꞌimainun rabë́ oveja amo sëtë́natin?

Génesis 33:8

Usai ꞌia ka Esaúnën ñukákëxa: —¿Uisokin sinánxunmi xukë kara ñuinakama a pain mi rëkuë́mikin xukë ꞌën iskë ax ꞌik? —Ax ka uisokin kaina min ꞌëmi sinanin unántisa tankin kana usokin an —kixun ka Jacobnën kakëxa.

2 Samuel 15:1

ꞌItsama baritia ꞌinukëbëtan ka Absalónnën anun ꞌakánanti caballonën nirinkë achúshi anuax ꞌakánanti ꞌimainun caballo bianan, cincuenta suntárukama an bërúanxun nikinti anëakëxa.

2 Samuel 15:23

Kuani ka David ꞌimainun abëa kuankë unikama ꞌaisamaira nishi inkiani kuankankëxa. Usai kuani ka kamabi uni Cedrón kakë xëxá a shitakankëxa; usai ꞌikëbëa ꞌapuxribi kuankëbë ka kamabi uni axa kuankëkama ax anu uni ꞌikëma me ami kikiani bain rëkuë́nkiani kuankankëxa.

2 Samuel 17:29

ꞌinánan ka buna rëpa vaca xuma sëruakin ꞌanan, ë́skakin oveja xuma ꞌakë akama abëa kuankë unikamabëtan pinun kixun ꞌinánkëxa; usakin ka anu uni ꞌikëma menuax ai ka panani ꞌitsaira nitsi atsanxa kixun sinánkin ꞌakëxa.

2 Samuel 19:26

Kixuan kakëxun ka unin kakëxa: —ꞌËn ñu mëmikë unin ka ꞌë paránxa. ꞌËx kana ꞌën niti bëtsikë uni ꞌain, usa ꞌixun kana ꞌëa burro achúshi anu ꞌirukiani mibë kuani kuanun ꞌë tëkërëkaxunu kan.

Ezequiel 37:18

Uínsaran kara min aintsikaman uisai kikë kara ax ꞌikë kixun mi ñukati ꞌikën: Anun kamina uisai kikë kara ax ꞌikë kixun ñuixunti ꞌainꞌ,

Jueces 5:10

Mitsux kamina kiti ꞌain, uni ñuñu axa burro aín xanu uxuanën kaxunu tsókë ꞌimainun ñuñuma uni axa nishikë kamaxribi ka kiti ꞌikën:

1 Samuel 14:28

Usakin ꞌakë ꞌikëbi ka Israel kama suntáru achúshinën kakëxa: —Min papan ka a sinánun suntárukama kaxa uin kara bëtsi ñubi pia ax ka ꞌatima okë ꞌiti ꞌikën. Usa ꞌain ka unikaman ꞌakëñuma panankë ꞌaish atun nami bamabu kuainkë ꞌikën kixun ka kakëxa.