2 Samuel 16:16 - Kashibo-Kakataibo Biblia

¹⁶ Atsínkëbë ka arquita uni Husai Davidtan ꞌunánkë ax munuma banakiani Absalón abë mëranani kushin banai kiakëxa: —¡Nukamax kananuna ꞌaxa nun ꞌapu ꞌiti kuëënin ax ka ꞌapu ꞌiti ꞌikën!

2 Samuel 16:16 ပူးပေါင်းရင်းမြစ်များ

2 Samuel 15:32

David aín bashi manámi anuxun Dios rabiti anu kuankëbëbi ka abë mëranani Husai kakë uni arquita ax kuani aín chupa tukibukë ꞌimainun ꞌain maxkánu me kupúkënën matakakiax kuankëxa.

2 Samuel 15:34

usa ꞌain kamina mix amiribishi Jerusalénnu kuantankëxun Absalón kai kuanti ꞌain, an mi ñu mëëxunti ënën ka min papa ꞌaxunkësabi okin mi ñu mëëxunti ꞌikën, usakin kakëxun an mi ñu mëëxunti ꞌimikëxun kamina Ahitófelnën usakin kamina ꞌati ꞌain, kaiabi ka usakin ꞌatima ka, kixun min kati ꞌain,

2 Samuel 15:37

Usakin kakëx ka Husai Davidtan ꞌunánkë uni ax kuanx Jerusalénnu bëbakëxa, bëbai atsini kuankëbëbi ka Absalón axribi ëmanu atsini uakëxa.

1 Reyes 1:25

An ka bërí kuanxun ꞌain unikama vaca bënë ꞌimainun vaca bakë bërí kanikë këñun ovejakama ꞌaisamaira rënun ꞌamiaxa, ꞌamixun ka min bëchikë bëbukama kamianan, suntárunën ꞌapu aín kushi capitán akama ꞌimainun sacerdote Abiatar aribi kamiaxa. Usa ꞌain ka bërí atux abëtan pianan xëai munuma sharati kikania: ¡Adonías ax ka bërí nun ꞌapu ꞌikë kiax ka kuëëni kikania!

1 Reyes 1:34

usa ꞌain kamina min sacerdote Sadoc ꞌimainun an Dios kikë bana uni ñuixunkë Natán abëtan aín maxkánu xëni tutukakin axa Israelkaman ꞌapu ꞌinun anëti ꞌain, usakin ꞌaxun kamina raíri unikaman carnero manchan banomainun ka raírinëxribi munuma kuënkëni sharati kikanti ꞌikën: ¡Salomón mix kamina ꞌitsa baritia ꞌimi nun ꞌapu ꞌiti ꞌain ësaiki ka munuma sharati kikanti ꞌikën!

Daniel 2:4

Kixun kakëxun ka an ñu ꞌunánkë uni achúshinën anúan banakë arameo bana anunbi banakin ꞌapu kakëxa: —¡Mix ꞌapu ꞌaish kamina xënibuti tsóti ꞌain! Mix ꞌapu ꞌixun kamina an mi ñu mëëxunti nukama min namákë a ñuixunti ꞌain, nun kananuna uisakin namákë kara ax ꞌikë a mi ñuixunti ꞌain.

Daniel 5:10

ꞌaínbi ka aín tita aín tuá ꞌapu ax kuëënmainun abëtan pi bukukë unikama atúxribi kia kuati aín tita anuxun pi bukukë anu atsini kiakëxa: —¡Mix ꞌapu ꞌaish kamina xënibua ꞌaínbi tsóti ꞌain! Usa ꞌain kamina ꞌitsaira sinani min bëmánan pëki ꞌitsaira ratutima ꞌain,

Daniel 6:21

Kakëxun ka Danielnën kakëxa: —¡Mix ꞌapu ꞌaish kamina xënibua ꞌaínbi tsóti ꞌain!

Daniel 6:6

Usai kanantankëx ka an ñu ꞌaia bërúankë ꞌimainun aín kushikama atux ꞌapu Daríobë kananuna banai kuanti ꞌai kixun sinani kanankëxa. Kanankiani kuanxun ka anua ꞌikë aín xubunu bëbakin ꞌapu kakëxa: —Mix ꞌapu ꞌaish kamina xënibuax ꞌiti ꞌai kixun kakëxa.

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën ꞌIbu ax ca upíira ꞌicën. Nucën ꞌIbu Diosan xucëx ca ënëx bërí aia. A ca camabi unin rabiti ꞌicën. Nucën ꞌIbu Dios, naínu ꞌicë, aribinu cuëënquin rabinun ca ꞌacan.

1 Samuel 10:24

Usa ꞌikëa iskaniabi ka Samuelnën atu ñukákin kamabi kakëxa: —¿Nukën ꞌIbun mitsun ꞌapu ꞌinun kaískë uni a kaina iskanin? ¡Ënë unisaribi israel uni achúshi ka ꞌaíma ꞌikën! ¡Axëshi ka nun ꞌapu ꞌiti ꞌikën! Kixun ka israel unibunën kakëxa.