2 Samuel 16:12 - Kashibo-Kakataibo Biblia

¹² Usa ꞌain ka Diosan tëmërakin ꞌatimokin sinania okin ꞌë upíokin sinánxunti ꞌikën, usa ꞌaínbi kana bërí ꞌatimokin ñuikin ꞌë ꞌichákëxun kuatin.

2 Samuel 16:12 ပူးပေါင်းရင်းမြစ်များ

2 Samuel 16:13

Kikiani ka David ꞌimainun abë kuankë unikama kuankëxa, kuanmainun ka Simí aín bashi tanarati kuankin ka David ꞌatimai banakin ꞌichábiani kuankin ami maxá pukin meribi kupútanun ami puakëxa.

2 Reyes 19:4

ꞌËn sinánkëxun sapika min Diosan aín ꞌapúan xukëx Asirianu ꞌikë suntárunën kushikama ꞌatimai banai kikë atun banakama kuakë ꞌiti ꞌikën atux ka Israel unikaman Dios ñui ꞌatimati banaxa usa ꞌain sapi ka a kuaxun Diosanbi a ñuia kikë akama ꞌaisama okin tëmëramiti ꞌikën. Usa ꞌain kamina axa bërúkë nukama achúshi okin Dios ñukáxunti ꞌain.

Proverbios 25:22

usakin ꞌakëx ka axa mimi nishkë uni ax katë́ti sinanati ꞌikën, usakinmi ꞌaia ka Diosan mi upí isti ꞌikën.

Joel 2:14

Usa ꞌain ka Diosan mitsu ꞌatima otima ꞌikën, ꞌakinma ka sinanatia okin ꞌakinkin mitsu: ñu bimikama ꞌimainun uvas chakaxun aín baka bikë ꞌianan a ꞌinaínshiti ñukama Dios ꞌinánti ꞌikën.

Romanos 8:28

Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.

2 Corintios 4:17

Cananuna ꞌunanin, ënë nëtënuaxnu tëmëracë ꞌaínbi ca a ñucamax bënëtishi cëñutia. Tëmëracëbi ca nun sináncësamaira oquin Nucën Papa Diosan nux tëmëracë cupínu abë́ ꞌaish chuámarua tani cuëëinra cuëënun nu ꞌimiti ꞌicën.

2 Tesalonicenses 1:7

Usoquin ꞌanan aín ángelnën cushicamabëtan, tsi rëquirucësa ꞌixuan pëcacë nëbë́tsi, Nucën ꞌIbu Jesús naínuax ucëbëtan, an nucëñun unían tëmëramicë ꞌicëbi mitsu chuámarua ꞌimiti ca asábi ꞌicën.

Hebreos 12:10

Nux canitancëxnu upí ꞌinun quixun ca aín sináncësa oquin ꞌunánmiquin usoquin nucën papan nu ꞌacëxa. Usa ꞌaínbi ca Nucën Papa Diosan asaribi upí ꞌiminuxun upí oquin nu ꞌunánmia.

1 Samuel 1:11

banakin ka ësokin kakëxa: Min asérabi ꞌëx tëmëraia ꞌunánkin kamina an mi ñu ꞌaxunkë xanu ꞌikë ꞌëmi sinanakin, achúshi tuá ꞌë ꞌinánti ꞌain, ꞌinánkëxun kana kanikia an mi ñu ꞌaxúnun ꞌunánmiti ꞌain, ꞌimainun kana ꞌunántiokin aín bu tëatima ꞌain.