2 Samuel 15:32 - Kashibo-Kakataibo Biblia

³² David aín bashi manámi anuxun Dios rabiti anu kuankëbëbi ka abë mëranani Husai kakë uni arquita ax kuani aín chupa tukibukë ꞌimainun ꞌain maxkánu me kupúkënën matakakiax kuankëxa.

2 Samuel 15:32 ပူးပေါင်းရင်းမြစ်များ

2 Samuel 1:2

Anu ꞌixunbi ka Davidnën Saúl ka ain bakë bëchikë rabëbë bamaxa kixun ꞌunánma ꞌikën, usa ꞌain ka rabë́ ꞌimainun achúshi nëtë ꞌikëbë anua Saúl ꞌikë anuax uni achúshi aín chupa tukibukë ꞌixun ain maxkánu chimaputan matakakiax ꞌitsaira masá nuituti kuatsini uakëxa. ꞌAi ka anu bëbai David bëtánain aín bëmánanën me tikai tëtúbuti tsóbuakëxa.

2 Samuel 15:30

Usai kuantamainun ka David aín bashi Olivos kakë mapërakëti; ain taxaka ëchiax taëinshi kuani ꞌitsaira masánuituti nitë́xëkiani kuani chupan matëkërëkiax kuankëxa. Usaia ꞌikëbë ka abë kuankë unikama atúxribi ꞌain maxkánu chupan matëkërë kiax kuani atúxribi inkiani kuankankëxa.

2 Samuel 16:1

Kuania David ꞌain bashi inubiani urira kikiankëbë ka Sibá kakë uni an Mefi-bóset ñu mëëxunkë uni ax abë mëranani kuankëxa. Kuankin ka burro rabë́ doscientos pán ꞌimainun cien pán ꞌakësokin chookin uvas bimi ëskakë akëñun cien ñu bimi ꞌaímai pëkë́kë aín unikaman bërí bikë akëñun achúshi ñuina xakánu ꞌarukë uvas baka aribi buánkëxa.

2 Samuel 16:15

Usai ꞌimainun ka Absalón Jerusalénnu atsíankëxa, abëa nikë Israel unikama raíri ꞌimainun Ahitófel kakë uni abë.

2 Samuel 17:5

Usa ꞌain ka an kuakëxa a bana asábi ꞌaínbi Absalónnën Husai arquita uni a kamiakëxa, uisa kara Ahitófelnën sinánkë bana ax ꞌikë kixuan anribi kuati unun kixun.

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Lucas 19:29

Jerusalénu cuani Betfagé ëma ꞌimainun Betania ëma ꞌurama ꞌixun ca Olivos cacë matá anuxun aín ꞌunánmicë uni rabë́ xuquin,

1 Samuel 4:12

Usokian ꞌakëbë ka Benjamínën rëbúnkinën aintsi suntáru achúshinëx anuaxa ꞌakanankë anuax abákëxa, abátankëx ka aín aintsikama Siló kakë ëmanu bukukë a nëtënbi bëbaxun chanioi kuankëxa. Kuania iskankëxbi ka aín chupa nushi nushira ꞌianan aín maxká men chuarukë ꞌiakëxa.