2 Samuel 15:30 - Kashibo-Kakataibo Biblia

³⁰ Usai kuantamainun ka David aín bashi Olivos kakë mapërakëti; ain taxaka ëchiax taëinshi kuani ꞌitsaira masánuituti nitë́xëkiani kuani chupan matëkërëkiax kuankëxa. Usaia ꞌikëbë ka abë kuankë unikama atúxribi ꞌain maxkánu chupan matëkërë kiax kuani atúxribi inkiani kuankankëxa.

2 Samuel 15:30 ပူးပေါင်းရင်းမြစ်များ

2 Samuel 15:29

Usokin kakëxun ka Sadoc ꞌimainun Abiatarnën levita unikaman bunántisa okin ꞌakë anua Diosan mëníokë ñu ꞌikë a Jerusalénnu buántëkënkënbë atubë kuanx anu bërukankëxa.

2 Samuel 19:4

Usa ꞌain ka chupan mapuax ꞌaisamaira masá sinani nitë́xëti, uínbi upí sinánmikin kaisama ꞌitánun ꞌapu David munuma banai rarumakëxa: Rarumati ka aín bakë bëchikënën anë ñui kiakëxa. “¡ꞌËn bakë bëchikë, ꞌibu Absalón! ¡ꞌËn bakë bëchikë ꞌibu Absalón!”

2 Samuel 19:5

Usaia ꞌia ka Joabnën anua ꞌikë ꞌapun xubunu kuanxun ꞌapu David kakëxa: —Bërí kamina mix ꞌapu ꞌixun kamabi suntárunën kushikama ꞌimainun min unikamaribi axa mimi kuaikësamaira okin katëmian, usokin ꞌakin kamina bërí min bëchikë xanukama ꞌanan bëbukama ꞌimainun min xanukama, ꞌianan an mi ñu mëëxunkë xanukamaribi ië́mian.

Salmos 42:3

Nëtë ꞌimainun imë́bi kana ꞌën piti pikësa ꞌinun tëmërai bëunan mëskúkin ëniman, usai ꞌia ka kamabi nëtën unikaman ꞌëmi kuaikin ꞌë ñukatia: “¿Uinu kara min Dios ax ꞌik?”

Salmos 43:5

¿Uisa kupín karana sinanati kana ꞌaima kiax kiti ꞌain? ¿Uisa kupín karana ꞌitsaira sinánti ꞌain? ꞌËn ꞌIbu Dios ashi kana an ꞌë ꞌakinun rabiti ꞌain. ¡An ka ꞌën Dios ꞌixun ꞌë ꞌakinti ꞌikën!

Mateo 5:4

Axa masá nuitucë uni a ca Nucën Papa Diosanbi aín masáquin sináncë nëtë́miti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Lucas 19:29

Jerusalénu cuani Betfagé ëma ꞌimainun Betania ëma ꞌurama ꞌixun ca Olivos cacë matá anuxun aín ꞌunánmicë uni rabë́ xuquin,

Lucas 19:37

ꞌApácëbë anun cuani matá Olivos, anuax cuabútia ꞌurama ꞌain ca anu ꞌicë unicaman ꞌaisamaira ꞌaish, cuëënquin, —uni itsin ꞌacëma ñucama Jesusan ꞌaia cananuna isa —quixun an ꞌacëcama ñuiquin munuma banaquin Nucën Papa Dios rabiacëxa.

Lucas 19:41

Usai quiquianquin rarobianquin, Jerusalén isi ca Jesús nitë́xëti bëunan mëscuti Jerusalénu ꞌicë unicama cai quicësai quiacëxa:

Lucas 21:37

Usaquin anuxun Nucën Papa Dios rabiti xubunuxun unicama bana ñuixuanan ca Jesús xupíbu xupíbucëbë imë́ Olivos cacë matánu ꞌi cuancëxa.

Lucas 22:39

Jerusalénuax cuani ca ax ꞌicësabi oi Jesús Olivos cacë matánu cuancëxa. Cuancëbë ca abë aín ꞌunánmicë unicamaxribi cuancëxa.

Hechos 1:12

Ësaquian a uni rabëtan cacëx ca Olivete cacë matá anuaxa Jesús naínu cuancë, anuax aín ꞌunánmicë unicama Jerusalénu riquiancëxa. Olivete anuax Jerusalénu bëbati ca rabë́ kilómetrosa ꞌiacëxa.

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

1 Corintios 12:26

Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí ꞌicë —quixun cacëx nun namicamabëbi chuámarua tani cuëënin.