2 Samuel 15:3 - Kashibo-Kakataibo Biblia

³ Absalónnën kakëxa: “Asérabi ka a mëníoxunumi ukë ax këmëi kikëma ꞌikën, ꞌaínbi ka ꞌapun an usa ñukama mëníoti anëkë uni ka ꞌaíma ꞌikën kixun këmëkin kakëxa.”

2 Samuel 15:3 ပူးပေါင်းရင်းမြစ်များ

2 Samuel 15:4

Ësokin kakin ka kakëxa: ꞌËx ënë menu ꞌapu ꞌixun kana, axa ꞌë isi ukë unikama atun ñu ꞌakë istankëxun ꞌën upíokin mëníoxuntsian kixun kakëxa.

Éxodo 20:12

Min papan bana kuanan kamina min titan banaribi kuanti ꞌain. Usai ꞌi kamina ꞌëx mitsun Dios ꞌixun ꞌinánkë me anu xënibua. ꞌAínbi tsóti ꞌain.

Mateo 15:4

Nucën Papa Dios ca ësai quiacëxa: “Min papan bana, min titan bana camina cuati ꞌain”. ꞌImainun ca ësaribiti quiacëxa: “Axa aín papa, aín tita ñui ꞌatimati banacë uni a camina bamamiti ꞌain”.

Hechos 23:5

Cacëxun ca Pablonën cacëxa: —ꞌËn aintsicama, Moisénën cuënëo bana ca quia: “Min aintsicaman ꞌapumi camina ꞌatimati banatima ꞌain”. Usa ꞌaínbi cana ax ca sacerdotenën cushicaman ꞌapu ꞌicë quixun ꞌunánquinma usaquin can.

1 Pedro 2:17

Camabi uni camina upí oti ꞌain. Axa Jesucristomi catamëcë unicama camina nuibati ꞌain. Nucën Papa Diosmi camina racuë́ti ꞌain. Racuë́anan camina mitsun ꞌapu quicësabi oquin ñu ꞌati ꞌain.

2 Pedro 2:10

Nucën ꞌIbu Diosan ca anbia masáquin sináncë ꞌixun ñunshínquin ꞌatima ñu ꞌanan aín bana cuacëma unicama asérabi uisoquin cara ꞌati ꞌicë usoquin ꞌati ꞌicën. A unicaman ca rabínquinma ax cuëëncësa oquinshi ñu ꞌaisama ꞌanan, ami racuë́quinma Nucën Papa Diosan ꞌimicë ꞌicëbi unin cushicamaribi ꞌatimaquin ñuia.