2 Samuel 15:27 - Kashibo-Kakataibo Biblia

²⁷ Ësokinribi ka ꞌapun sacerdote Sadoc kakëxa: —Mi ꞌimainun Abiatar mix kamina upitax min bakë bëchikë rabëbë Jerusalén ëmanu kuanti ꞌain. Kuankin kamina min bakë bëchikë Ahimaas a buánti ꞌain buámainun ka Abiatarnën ꞌain bakë bëchikë Jonatán aribi buánti ꞌikën.

2 Samuel 15:27 ပူးပေါင်းရင်းမြစ်များ

2 Samuel 15:34

usa ꞌain kamina mix amiribishi Jerusalénnu kuantankëxun Absalón kai kuanti ꞌain, an mi ñu mëëxunti ënën ka min papa ꞌaxunkësabi okin mi ñu mëëxunti ꞌikën, usakin kakëxun an mi ñu mëëxunti ꞌimikëxun kamina Ahitófelnën usakin kamina ꞌati ꞌain, kaiabi ka usakin ꞌatima ka, kixun min kati ꞌain,

2 Samuel 15:36

Anu ka ain bakë bëchikë Ahimaas ꞌimainun Jonatánribi ꞌikën, usa ꞌain kamina uisai kara ꞌapun xubunuax kikania ꞌunánun ꞌë ribia kaminun atu kati ꞌain.

2 Samuel 17:17

Usakin kakëx kuanx ka Jonatán ꞌimainun Ahimaas ax achúshi xëxá En-roguel kakë anu pain unikaman isma Jerusalénnu atsinia isia kixun sinani bërúakëxa, anuxun ka an ñu ꞌaxunkë xanu David kaxuntanun kixun xuakëxa, xukëx kuanxua kakëbëshi atúxribi bënëtishi anu kuanxun ka David bana ñuixuankëxa.

2 Samuel 18:19

Usakin ꞌakë ꞌain ka Ahimaas Sadocnën bakë bëchikë an Joab kakëxa: —ꞌËn kana mi kain abákiani kuanxun kamina ꞌën ꞌapu Diosan ka ax kushiira ꞌixun upíokin ñu ꞌakin axa numi nishkë, unikamanua nu ꞌakianxa kixun katánun ꞌë xuti ꞌai kixun kakëxa.

1 Reyes 1:42

Usai ꞌimainun ka sacerdote Abiatar aín bakë bëchikë Jonatán bëbakëxa. Bëbaia ka Adoníasnën kakëxa: —Ënu kamina atsínti ꞌain, mix kamina unin uisakinbi kakëma kushi uni ꞌain. Usa ꞌixun sapi kamina bana upí nu ñuixuni aí kixun ka kakëxa.

1 Samuel 9:6

Kakëxun ka an ñu mëëxunkë uni abëa kuankë an kakëxa: —Ënë ëmanu ka uni achúshi an Dios kikë bana uni ñuixunkë kamabi unían aín bana tankë ꞌikën, usa ꞌain ka ax kikësabi oi ñu ꞌia. Anu kananuna kuanti ꞌain, an sapi ka anun a bari kuanti bai nu ñuixunti ꞌikën.

1 Samuel 9:9

(Bërámaira ka israel unikamax Diosbë banatisa tani kiakëxa.) “An Dios kikë bana uni ñuixunkë kananuna isi kuanti ꞌain.” “Usa ꞌaínbi ka bërí usa unikama an Dios kikë bana uni ñuixukë kakin anëia” (bërámaira ka an Dios kikë bana uni ñuixunkin kakin anëkë ꞌikankëxa).